చివరి ఫలం
Published Friday, 5 June 2015ఎప్పుడైనా ఎవరికైనా
మరణం ఎలా రావాలంటే
పిలవగానే కువకువలాడుతూ
పెంపుడు పావురంలా
భుజం పైన వచ్చి వాలాలి
టికెట్టు కొనుక్కున్న రైలుబండిని
సకాలంలో అందుకున్నట్టు
నిదానంగా అన్నీ సర్దుకుని నింపాదిగా ఎక్కాలి
పూర్తిగా చదివేసిన పుస్తకాన్ని
జాగ్రత్తగా మడిచిపెట్టి మననం చేసుకున్నట్టు
మనస్ఫూర్తిగా మనశ్శాంతితో వెళ్ళిపోవాలి
నిస్సవ్వడిగా మట్టిలో ఇంకిపొయ్యే బిందువులా
మాగిపోయి మార్దవంగా నేలరాలే పండులా
కాలం ఒడిలోకి జర్రున జారిపోవాలి జీవం
వాయిద్యాలతో తరలివస్తున్న
దేవదేవుని పల్లకీకి ఎదురేగి
సమూహంలో కలిసిపోయినట్టు
కనుమరుగవ్వాలి ప్రాణం
నడచి వచ్చిన దారి మనం మరచిపోయినా
నలుదెసలా వెలిగే దారి దీపమేదో
నడవాల్సిన దారి చూపాలి
అనాయాసేన మరణం
వినాదైనే్యన జీవనం
కర్మలు జన్మలు ప్రారబ్దాలతో నిమిత్తం లేకుండా
సుఖంగా కడతేరిపోవాలన్న చివరాఖరి ఆశ
భూమీద పుట్టిన ప్రతి ఒక్కరికి నెరవేరాలి