కరీంనగర్, సెప్టెంబర్ 26: కరువుతో కునారిల్లుతున్న రాష్ట్ర ప్రజలకు వచ్చే రెండేళ్ళ వరకూ కరువు ఛాయలు కనిపించవని ముఖ్యమంత్రి కె చంద్రశేఖర్ రావు ఆనందం వ్యక్తం చేశారు. అతివృష్టితో ఖరీఫ్ పంటలు కొంతమేర దెబ్బతిన్నా, రబీలో మరింత బలమైన పంటలతో రైతులకు మేలు కలుగుతుందని నమ్మకాన్ని వ్యక్తం చేశారు. గత మూడు రోజులుగా కురుస్తున్న అసాధారణ వర్షాలతో అతలాకుతలమైన వరద ప్రాంతాల్లో ముఖ్యమంత్రి సోమవారం పర్యటించారు.

హైదరాబాద్, సెప్టెంబర్ 26: దేశవ్యాప్తంగా జూనియర్ రీసెర్చి ఫెలోషిప్, జాతీయ అర్హత పరీక్షల నిర్వహణ తమ వల్ల కాదని సెంట్రల్ బోర్డు ఆఫ్ సెకండరీ ఎడ్యుకేషన్ (సిబిఎస్‌ఇ)చేతులెత్తేసింది. యూనివర్శిటీలతో పాటు ఉన్నత విద్యా సంస్థల్లో అసిస్టెంట్ ప్రొఫెసర్‌గా నియామకానికి, పిహెచ్‌డి అడ్మిషన్లలో ప్రాధాన్యతకు నెట్ అర్హత ఉపయోగపడుతుంది. ఇక మీదట ఆ బాధ్యతను యూనివర్శిటీ గ్రాంట్స్ కమిషన్ చూసుకోవాలని పేర్కొంది.

న్యూఢిల్లీ, సెప్టెంబర్ 26: ‘నీళ్లూ నెత్తురూ ఎన్నటికీ కలవవు. కలిసి ప్రవహించవు.’ అని ప్రధానమంత్రి నరేంద్రమోదీ తీవ్రస్థాయిలో స్పందించారు. ఇస్లామిక్ ఉగ్రవాదంతో భారత్‌పై రక్తపాతానికి ఒడిగడుతున్న పాకిస్తాన్‌పై జలాయుధాన్ని ప్రయోగించేందుకు మోదీ యోచిస్తున్నారు. పాకిస్తాన్‌కు అత్యంత కీలకమైన సింధూ నదీ జలాల ఒప్పందంపై సోమవారం మోదీ నేతృత్వంలో అత్యున్నత స్థాయిలో సమీక్షా సమావేశం జరిగింది.

న్యూఢిల్లీ, సెప్టెంబరు 26: పోలంవరం ప్రాజెక్టు నిర్మాణానికి తొలి విడత రుణం ఇచ్చేందుకు నాబార్డ్ అంగీకరించింది. వచ్చే నెల 15నుంచి తొలి విడత రుణం విడుదల మొదలు కానుందని కేంద్ర మంత్రి సుజనా చౌదరి వెల్లడించారు. ఢిల్లీలో సోమవారం సుజనా చౌదరి అధ్వర్యంలో నాబార్డ్, పోలవరం ప్రాజెక్టు అథారిటీ, రాష్ట్ర జల వనరుల శాఖలకు చెందిన ఉన్నతాధికారులు సమావేశమయ్యారు.