విజయవాడ, సెప్టెంబర్ 23: దాదాపు రూ.150 కోట్ల వ్యయంతో విజయవాడ రైల్వే స్టేషన్‌లో జరుగుతున్న రూట్ రిలే ఇంటర్ లాకింగ్ పనులు రాత్రి, పగలు శరవేగంతో ముందుకు సాగుతున్నాయి. గురువారం వరకు పాక్షికంగా మూడు ప్లాట్‌ఫారాల్లో రైళ్ల రాకపోకలు సాగగా శుక్రవారం అన్ని ప్లాట్‌ఫారాల్లోను రైళ్ల రాకపోకలను నిలిపివేసి శరవేగంగా పనులు నిర్వహించారు.

అచ్చంపేట, సెప్టెంబర్ 23: పులిచింతల ప్రాజెక్టుకు ఎగువ నుంచి వరద నీటి తాకిడి అధికమైంది. గురువారం ప్రాజెక్టులో 29 టిఎంసిల నీటిని నిల్వ ఉంచిన ప్రాజెక్టు అధికారులు తెలంగాణ రాష్ట్రం, నల్గొండ జిల్లా అధికారులతో ప్రాజెక్టు వద్ద జరిపిన సంప్రదింపుల అనంతరం శుక్రవారం 30 టిఎంసిల నీటిని నిల్వ ఉంచారు. ఎగువ నుంచి 1,05,476 క్యూసెక్కుల వరదనీరు వచ్చిచేరుతుండగా, 12 గేట్లు 4 అడుగుల మేర ఎత్తి దిగువకు వదులుతున్నారు.

విజయవాడ, సెప్టెంబర్ 23: వరదనీరు ప్రకాశం బ్యారేజీకి పోటెత్తడంతో మొత్తం 70 గేట్లను 3 అడుగులమేర పైకి లేపి లక్షా 35వేల క్యూసెక్కుల నీటిని సముద్రంలోకి వదులుతున్నారు. ఐదేళ్ల తర్వాత మొత్తం గేట్లను పైకెత్తడం ఇదే ప్రప్రథమం కావడం విశేషం. పులిచింతల నుంచి లక్షా 70వేల క్యూసెక్కుల నీరు బ్యారేజీకి చేరుతున్నది.

విజయవాడ, సెప్టెంబర్ 23: వ్యవసాయ రంగానికి అనుకూలమైన వాతావరణం కల్పిస్తూ అవసరమైన మేర నీరు, విద్యుత్, ఇతర ఉపకరణాలు అందిస్తున్నందున పంటల ఉత్పాదనలో భారతదేశంలోనే ఏపి ముందుండాలని రాష్ట్ర ముఖ్యమంత్రి నారా చంద్రబాబునాయుడు కోరారు. శుక్రవారం తన నివాస గృహం నుంచి వివిధ జిల్లాల కలెక్టర్లు, వ్యవసాయం, అనుబంధ రంగాల అధికారులతో టెలీకాన్ఫరెన్స్ నిర్వహించారు. అదృష్టవశాత్తు భారీ వర్షాలతో జలాశయలన్నీ నిండాయి.