తిరుపతి, జూలై 4: శ్రీవారి దర్శనార్థం విచ్చేసే భక్తులకు అన్నప్రసాదాల తయారీ, ఇతర టిటిడి అవసరాలకు సంబంధించి బియ్యం, పప్పుదినుసులు, జీడిపప్పు తదితర సరుకులను 15 రోజులకు సరిపడా నిల్వ ఉంచుకోవాలని టిటిడి ఇఓ డాక్టర్ డి.సాంబశివరావు మార్కెటింగ్ అధికారులను ఆదేశించారు. తిరుపతిలోని టిటిడి పరిపాలనా భవనంలో గల కార్యాలయంలో సోమవారం సీనియర్ అధికారులతో ఇఓ వారపు సమీక్షా సమావేశం నిర్వహించారు.

శ్రీకాళహస్తి, జూలై 4: శ్రీకాళహస్తీశ్వరాలయం సోమవారం భక్తులతో కిటకిటలాడింది. అమావాస్యకావడంతో తెల్లవారుజాము నుంచే రద్దీ మొదలైంది. స్వామి, అమ్మవార్లను దర్శించుకోవడానికి, రాహు-కేతు పూజలు చేయించుకోవడానికి భక్తులు ఒక్కసారిగా రావడంతో ఆలయం భక్తులతో కిటకిటలాడింది. ఇటీవల ఇఓ భ్రమరాంబ లోపల క్యూలైన్లను మార్పులు చేయడం వల్ల భక్తులు క్యూలైన్లలోకి వెళ్లలేకపోయారు.

తిరుపతి, జూలై 4: తిరుపతి నగర పాలక సంస్థలోని శివజ్యోతి నగర్‌లో కాలువ నిర్మాణాలు చేపట్టకపోవడంతో స్థానిక ప్రజలు గత ఎంతో కాలంగా ఇబ్బందులు ఎదుర్కొంటున్నారని, మీరైనా సమస్యలు పరిష్కరించాలని రాయలసీమ పోరాటసమితి కన్వీనర్ నవీన్‌కుమార్‌రెడ్డి, కాంగ్రెస్ జిల్లా అధ్యక్షురాలు శ్రీదేవి నేతృత్వంలో సోమవారం నగర పాలక సంస్థ కమిషనర్ వినయ్‌చంద్‌కు కాలనీ వాసులు విజ్ఞప్తిచేశారు.

వెదురుకుప్పం, జూలై 4: మండలంలోని బాలుపల్లికి భాస్కర్‌రెడ్డి అనే రైతు టిప్పర్ బోల్తా పడటంతో గాయపడి మంగళవారం మృతిచెందాడు. మృతుడు వ్యవసాయ పనుల నమిత్తం ట్రాక్టర్ తోలుతూ వెళ్తుండగా వాహనం అదుపుతప్పి బోల్తా కొట్టింది. ఈ ప్రమాదంలో భాస్కర్‌రెడ్డి ట్రాక్టర్ కింద పడి అక్కడికక్కడే మృతిచెందాడు. భాస్కర్‌రెడ్డికి ఇద్దరు పిల్లలు, భార్య ఉన్నారు. మృతుడి కుటుంబాన్ని ఎమ్మెల్యే నారాయణ స్వామి పరామర్శించారు.