ఏలూరు, మే 2 : వృద్ధులైన తల్లిదండ్రులను సంరక్షించని బిడ్డలపై కేసులు నమోదుచేయాలని వయోవృద్ధుల సంక్షేమ శాఖ, విభిన్న ప్రతిభావంతుల సంక్షేమ శాఖ అసిస్టెంట్ డైరెక్టర్ ప్రసాదరావును జిల్లా కలెక్టర్ కాటంనేని భాస్కర్ ఆదేశించారు. స్థానిక కలెక్టరేట్‌లో సోమవారం మీ-కోసం కార్యక్రమంలో ప్రజల నుండి విజ్ఞప్తులను స్వీకరించి వాటి పరిష్కారానికి అక్కడికక్కడే అధికారులకు ఆదేశాలను జారీ చేశారు.

హైదరాబాద్, మే 2: ఆన్‌లైన్‌లో పరిచయమై పెళ్లి చేసుకున్న మూడవ రోజే వదిలేసి వెళ్లిపోయిన వ్యక్తిని అరెస్టుచేసి చట్టప్రకారం శిక్షించాలని వరంగల్‌కు చెందిన బాధితురాలు ప్రశాంతి ప్రభుత్వానికి విజ్ఞప్తి చేసింది. తనకు న్యాయం జరగకపోతే సిఎం క్యాంపు ఆఫీసు ముందు ఆత్మహత్య చేసుకుంటానని హెచ్చరించింది.

నల్లగొండ, మే 2: రాష్ట్రంలో నెలకొన్న తీవ్ర కరవుతో రైతులు, కూలీలు, ప్రజలు కష్టనష్టాలకు గురవుతున్న ప్రభుత్వం సహాయక చర్యలు చేపట్టకపోవడాన్ని నిరసిస్తు, జిల్లాను కరవు జిల్లాగా ప్రకటించాలని డిమాండ్ చేస్తు బిజెపి శ్రేణులు జిల్లా వ్యాప్తంగా తహశీల్ధార్ కార్యాలయాలను ముట్టడించి ధర్నాలతో హోరెత్తించారు.

కరీంనగర్, మే 2: కాళేశ్వర పుణ్యక్షేత్రాన్ని అద్భుతంగా అభివృద్ధి పరుస్తామని రాష్ట్ర ముఖ్యమంత్రి కల్వకుంట్ల చంద్రశేఖర్‌రావు స్పష్టం చేశారు. ఆలయ అభివృద్ధి కోసం తక్షణమే రూ.25కోట్లు మంజూరు చేస్తున్నట్లు ప్రకటించారు. గోదావరి, ప్రాణహిత నది తీరం సుమారు 54కిలోమీటర్లు బోటింగ్ ఏర్పాటు చేసి కాళేశ్వరాన్ని అంతర్జాతీయ పర్యాటక కేంద్రంగా మారుస్తామని తెలిపారు.