విజయవాడ (కార్పొరేషన్), జనవరి 12: ప్రధాని నరేంద్ర మోదీ అనుసరిస్తున్న పిచ్చి తుగ్లక్ చర్యలతో ప్రజలు పడరాని పాట్లు పడుతున్నారని, అచ్చేదిన్‌లు ఇస్తామని చెప్పి ఇప్పుడు చచ్చే దిన్‌లు ఇస్తున్నారని పీసీసీ ఉపాధ్యక్షుడు తులసిరెడ్డి శుక్రవారం ధ్వజమెత్తారు.

గుంటూరు, జనవరి 11: మిర్చికి గిట్టుబాటుధరపై ప్రభుత్వం గత ఏడాది సీజన్‌లో ప్రకటించిన చంద్రన్న రాయితీలో భారీగా అక్రమాలు వెలుగు చూస్తున్నాయి. ఈ వ్యవహారంలో ఇప్పటికే కలెక్టర్ ఐదుగురు కాంట్రాక్టు ఎంపీఈఓలను సస్పెండ్ చేసినట్లు ప్రకటించారు. వ్యవసాయ, ఉద్యానవనశాఖలకు చెందిన మరి కొందరు ఉద్యోగులు, అధికారులకు ఉచ్చు బిగుసుకుంటోంది.

కాకినాడ, జనవరి 11: ఆంధ్రప్రదేశ్‌లో వివిధ వర్గాల సంక్షేమానికి సుమారు రూ.60 వేల కోట్లు వెచ్చిస్తున్నట్టు ఆర్ధిక, వాణిజ్య పన్నుల శాఖ మంత్రి యనమల రామకృష్ణుడు చెప్పారు. రాష్ట్ర వార్షిక బడ్జెట్ రూ.లక్షా 56వేల కోట్లు కాగా ఇందులో సుమారు రూ.60 వేల కోట్లు సంక్షేమ రంగానికి వెచ్చిస్తున్నట్టు పేర్కొన్నారు. సుమారు 50 లక్షల మందికి వివిధ రకాల పింఛన్లు పంపిణీ చేస్తున్నట్టు తెలిపారు.

విజయవాడ, జనవరి 11: పోలవరం బహుళార్ధక సాధక ప్రాజెక్టును సత్వరం పూర్తిచేయాలన్న సంకల్పంతో తాము చేసిన మహాపాదయాత్ర, సామూహిక సత్యాగ్రహంపై సీఎం చంద్రబాబు.. ఆయన తాబేదారులు చేసిన కువిమర్శలు, దుష్ప్రచారం అనైతికమని ప్రదేశ్ కాంగ్రెస్ కమిటీ అధ్యక్షుడు ఎన్.రఘువీరారెడ్డి ధ్వజమెత్తారు. అయితే పోలవరంపై బహిరంగ చర్చకు సిద్ధమేనా అంటూ చంద్రబాబుకు రఘువీరా గురువారం బహిరంగ లేఖ రాశారు.