విజయవాడ, ఏప్రిల్ 4: రాష్ట్రంలోని ఆలయాల్లో ప్లాస్టిక్ కవర్ల వినియోగంపై నిషేధం విధించారు. ప్రసాదాల కవర్లపై దేవుడి చిత్రాల ముద్రణను నిషేధిస్తూ రాష్ట్ర దేవాదాయ, ధర్మాదాయ శాఖ ప్రిన్సిపల్ సెక్రటరీ జెఎస్‌వి ప్రసాద్ మంగళవారం ఉత్తర్వులు జారీ చేశారు. ప్రసాదం కోసం వినియోగించే ప్లాస్టిక్ కవర్ల స్థానంలో పేపరు కవర్లను వినియోగించాలని ఆదేశించారు.

అమరావతి, ఏప్రిల్ 4: ఫిరాయింపుపై మాట్లాడే నైతిక అర్హత వైసిపి అధినేత జగన్‌కు లేదని సమాచార శాఖ మంత్రి కాల్వ శ్రీనివాసులు స్పష్టం చేశారు. తన తండ్రి ఏ పార్టీలో చేరి ఏ పార్టీలో మంత్రి అయ్యారో ఓసారి తెలుసుకుంటే మంచిదని ఎద్దేవా చేశారు. ఈ సందర్భంగా మంగళవారం సచివాలయంలో ఏర్పాటు చేసిన విలేఖర్ల సమావేశంలో కాల్వ వైసిపి అధ్యక్షుడికి ప్రశ్నాస్త్రాలు సంధించారు.

ఒంటిమిట్ట, ఏప్రిల్ 3: కడప జిల్లాలోని ఒంటిమిట్ట శ్రీకోదండ రామస్వామి బ్రహ్మోత్సవాలకు సర్వాంగ సుందరంగా ముస్తాబైంది. మంగళవారం వ్యాసాభిషేకం, అంకుర్ఫారణతో బ్రహ్మోత్సవాలకు శ్రీకారం చుట్టనున్నారు. బుధవారం ధ్వజారోహణం, నవమి వేడుకలు, పోతన జయంతి నిర్వహిస్తారు. రాత్రి స్వామివారికి శేషవాహన సేవ నిర్వహిస్తారు. ఉత్సవాల నేపధ్యంలో ఆలయాన్ని రంగురంగుల విద్యుత్ దీపాలతో అలంకరించారు. స్వాగత తోరణాలు ఏర్పాటుచేశారు.

విజయవాడ, ఏప్రిల్ 3: రాష్ట్రానికి ఆదాయం చేకూర్చే అత్యంత కీలక శాఖల్లో ఎక్సైజ్‌శాఖ ఒకటి. ఈ శాఖ ద్వారానే సాలీనా రూ.15వేల కోట్ల వరకు రాబడి లభిస్తున్నది. అదేమి దురదృష్టమో కాని ఈ శాఖ చేపట్టినవారు కారణాలేమైనా అప్రతిష్ట పాలవుతున్నారు. పలువురు ఆ శాఖ వల్ల శాశ్వతంగా మంత్రి పదవులనే కాదు శాసనసభకే దూరమవుతున్నారు. తాజాగా కొల్లు రవీంద్ర ఆ శాఖను కోల్పోయినప్పటికీ మంత్రి పదవిని మాత్రం కాపాడుకోగలిగారు.