గుంటూరు, ఏప్రిల్ 9: పార్టీ ఫిరాయింపులు కొత్తగా వచ్చిన అంశమేమీ కాదని, చాలాకాలంగా అన్ని రాజకీయ పార్టీల్లోనూ జరుగుతున్నదేనని ఎమ్మెల్సీ, మాజీ మంత్రి డొక్కా మాణిక్యవరప్రసాద్ అన్నారు. ఆదివారం ఇక్కడ ఆయన విలేఖరుల సమావేశంలో మాట్లాడుతూ పార్టీ ఫిరాయింపులకు సంబంధించి ఏదో ఒకరోజు ఫుల్‌స్టాప్ పడాల్సిందేనన్నారు.

విజయవాడ, ఏప్రిల్ 9: జిఎస్టీ బిల్లు ఆమోదం కోసం మరోసారి అసెంబ్లీ సమావేశాల నిర్వహణపై ప్రభుత్వం కసరత్తు చేస్తోంది. ఇప్పటికే పార్లమెంట్‌లో నాలుగు జిఎస్టీ బిల్లులు ఆమోదం పొందడంతో, రాష్ట్రాల నుంచి కూడా ఆమేరకు ఆమోదిస్తూ తీర్మానం చేయాల్సి ఉంది. దీంతో ఏప్రిల్ నెలాఖరు, లేదా మే మొదటి వారంలో మూడురోజుల పాటు అసెంబ్లీ సమావేశాలు నిర్వహించేందుకు ప్రతిపాదిస్తున్నారు. అయితే తేదీలపై ఇంకా స్పష్టత రావాల్సి ఉంది.

అమరావతి, ఏప్రిల్ 9: అధికారంలోకి వచ్చిన తర్వాత వివిధ సమీకరణలు, ప్రాంతాల పేర్లు చెప్పి నామినేటెడ్ చైర్మన్ పదవులు పొందిన వారిలో అధిక శాతం పార్టీ కార్యకలాపాల్లో అంటీముట్టనట్లు వ్యవహరిస్తుండటంపై పార్టీ వర్గాల్లో అసంతృప్తి వ్యక్తమవుతోంది. ఈ తరహా చైర్మన్ల పనితీరుపై తాజాగా నిర్వహించిన పార్టీ సమన్వయ కమిటీ సమావేశంలో పార్టీ జాతీయ ప్రధాన కార్యదర్శి, మంత్రి లోకేష్ కూడా తీవ్ర ఆగ్రహం వ్యక్తం చేశారు.

అమరావతి, ఏప్రిల్ 9: మంత్రివర్గ ప్రక్షాళన చేసిన ముఖ్యమంత్రి చంద్రబాబు అధికారుల పనితీరుపై దృష్టి సారించకపోవడంపై సొంత పార్టీలో అసంతృప్తి వ్యక్తమవుతోంది. సొంత పేషీలోనే ఫైళ్లు పెండింగ్‌లో ఉంటే దానిని వైఫల్యంగా పట్టించుకోని బాబు, మంత్రుల పనితీరుపైనే దృష్టి సారించడం వల్ల ఆశించిన ఫలితాలు రావని స్పష్టం చేస్తున్నారు. ఐఏఎస్ అధికారుల బదిలీలపై గత నాలుగు నెలల నుంచీ మీనమేషాలు లెక్కబెడుతున్నారు.