జంగారెడ్డిగూడెం/ కొయ్యలగూడెం, అక్టోబర్ 7: కుటుంబ కలహాలతో ముక్కుపచ్చలారని ఇద్దరు చిన్నారులకు విషమిచ్చి, తాను కూడా విషం తాగి ఆత్మహత్యకు పాల్పడిన తండ్రి ఉదంతమిది. తండ్రి, రెండేళ్ల కుమార్తె మృతిచెందగా, ఏడు నెలల పసికందైన మరో కుమార్తె మృత్యువుతో పోరాడుతోంది. ద్వారకాతిరుమల మండలం దోరసానిపాడుకు చెందిన లక్కాబత్తుల లూథిరాజుకు, కొయ్యలగూడెం మండలం రామానుజపురానికి చెందిన స్వాతికి మూడేళ్ల క్రితం వివాహమైంది.

హైదరాబాద్, అక్టోబర్ 7: బిజెపి విజయవాడ నగర అధ్యక్షుడు డాక్టర్ ఉమామహేశ్వరరాజు సస్పెన్షన్‌పై బిజెపి కోర్‌కమిటీ చర్చించి, తుది నిర్ణయం తీసుకోనుంది. ఈనెల 15న విశాఖలో కోర్‌కమిటీ భేటీ జరగనున్నట్లు పార్టీ వర్గాలు వెల్లడించాయి. కాగా రాజు సస్పెన్షన్‌ను వ్యతిరేకిస్తున్న సీనియర్లు ఈ భేటీలో గళం విప్పేందుకు సిద్ధమవుతున్నారు.

కడప, అక్టోబర్ 7: కడప జిల్లాలోని గండికోట జలాశయానికి కృష్ణాజలాలను తరలించేందుకు చేపట్టిన పనులు ఉద్రిక్తతకు దారితీశాయి. టిబిసిహెచ్‌ఎల్‌సి ఛైర్మన్ శ్రీనివాసులురెడ్డి ఆధ్వర్యంలో పెద్దసంఖ్యలో రైతులు, ప్రజలు తరలివచ్చి పనులను అడ్డుకున్నారు. నీళ్లు వదిలితే పురుగుల మందుతాగి ఆత్మహత్య చేసుకుంటామని రైతులు హెచ్చరించారు.

గుంటూరు, అక్టోబర్ 7: నర్సరీలకు సంబంధించి ప్రత్యేక చట్టాన్ని తీసుకురావాలని ఆంధ్రప్రదేశ్ ప్రభుత్వం యోచిస్తోంది. కడియం తరహాలో రాష్ట్ర వ్యాప్తంగా నర్సరీలను అనుమతించడంతో పాటు లైసెన్సింగ్ విధానాన్ని ప్రవేశపెట్టాలని నిర్ణయించింది. దీనివల్ల నియంత్రణ ఉంటుందని ప్రభుత్వం భావిస్తోంది.