మడకశిర, అక్టోబర్ 6: సుప్రీం కోర్టు ఆదేశాల మేరకు ఈనెల 17వ తేదీ వరకు తమిళనాడు రాష్ట్రానికి కావేరి నదీజలాలు విడుదల చేయనున్నట్లు కర్నాటక రాష్ట్ర వ్యవసాయశాఖ మంత్రి కృష్ణ బైరేగౌడ్ తెలిపారు. గురువారం అనంతపురం జిల్లా మడకశిర మండలం నీలకంఠాపురంలో ఆయన విలేఖరులతో మాట్లాడుతూ, తమిళనాడు, కర్నాటక ప్రజలు ఎవరూ కావేరి జలాల కోసం ఘర్షణలు జరగాలని కోరుకోవడం లేదన్నారు.

మండపేట, అక్టోబర్ 6: కాపులను బీసీల్లో చేర్చాలనే డిమాండుతో త్వరలో శాంతియుత ఉద్యమానికి కార్యాచరణ రూపొందిస్తున్నామని మాజీ మంత్రి, కాపు ఉద్యమ నేత ముద్రగడ పద్మనాభం తెలిపారు. కాపులకు రిజర్వేషన్లు కల్పిస్తామని ఎన్నికల ముందు హామీయిచ్చిన చంద్రబాబునాయుడు అధికారంలోకి వచ్చాక కరివేపాకులా తీసిపారేస్తున్నారని ఆరోపించారు.

హైదరాబాద్, అక్టోబర్ 6: అడ్మినిస్ట్రేటివ్ స్ట్ఫా కాలేజీ ఆఫ్ ఇండియా(ఆస్కి)ని సెంటర్ ఆఫ్ ఎక్స్‌లెన్స్‌గా తీర్చిదిద్దేందుకు అన్ని చర్యలూ చేపట్టామని సంస్థ చైర్మన్ , కేంద్ర హోం శాఖ మాజీ కార్యదర్శి కె పద్మనాభయ్య పేర్కొన్నారు. ఇందుకోసం తాము అవసరమైన ప్రతిపాదనలను సిద్ధం చేశామని అన్నారు.

హైదరాబాద్, అక్టోబర్ 6: ఆంధ్ర రాష్ట్రంలో ఎల్‌ఇడి వీధి దీపాల వ్యవస్ధను పర్యవేక్షించేందుకు కేంద్రీకృత నియంత్రణ మానిటరింగ్ వ్యవస్ధను కేంద్రం ఏర్పాటు చేయనుంది. ఈ విషయాన్ని కేంద్ర విద్యుత్ శాఖ మంత్రి పీయూష్ గోయల్ రాష్ట్ర ముఖ్యమంత్రి చంద్రబాబుకు ఫోన్ చేసి చెప్పారు. ఈ వివరాలను ఇంధన శాఖ కార్యదర్శి అజయ్ జైన్ వెల్లడించారు.