పెనుమూరు, సెప్టెంబర్ 4: చిత్తూరు జిల్లా ఆదివారం రాత్రి కాల్పుల కలకలం రేగింది. పెనుమూరు మండల పరిధిలోని పూనేపల్లి వద్ద ఆదివారం రాత్రి సుమారు 11 గంటల ప్రాంతంలో దినేష్‌రెడ్డి అనే సాఫ్ట్‌వేర్ ఇంజనీరుపై ఇద్దరు గుర్తుతెలియని వ్యక్తులు కాల్పులు జరిపారు. ఈ ఘటనలో దినేష్ తీవ్రంగా గాయపడ్డాడు. పూనేపల్లికి చెందిన మురగారెడ్డి కుమారుడు దినేష్‌రెడ్డి బెంగళూరులో సాఫ్ట్‌వేర్ ఇంజనీరుగా పని చేస్తున్నారు.

వెంకటాచలం, సెప్టెంబర్ 3 : 2022 నాటికి ఒక్క పూరిల్లు లేని దేశంగా భారత్‌ను అభివృద్ధి చేయాలనే లక్ష్యంతో ప్రధాన మంత్రి నరేంద్ర మోది అహర్నిశలు శ్రమిస్తున్నారని కేంద్ర మంత్రి ముప్పవరపు వెంకయ్యనాయుడు తెలిపారు. నెల్లూరు జిల్లా వెంకటాచలం మండలం సరస్వతి నగర్ వద్ద బిఎంపిటిసి అధ్వర్యంలో 4.55 కోట్లతో నూతనంగా నిర్మించిన నమూనా గృహ సముదాయన్ని శనివారం ఆయన ప్రారంభించారు.

హిందూపురం, సెప్టెంబర్ 3: రక్షక తడుల పేరిట అనంతపురం జిల్లాలో పర్యటించిన ముఖ్యమంత్రి నారా చంద్రబాబునాయుడు ప్రచార ఆర్భాటానికి ప్రాధాన్యత ఇచ్చారే తప్ప ఎండిపోతున్న వేరుశెనగ పంట ఒక్క ఎకరా కూడా కాపాడలేకపోయారని పిసిసి అధ్యక్షులు ఎన్.రఘువీరారెడ్డి ఆరోపించారు. రెయిన్‌గన్ల పేరిట చంద్రబాబు షో చేసి మరోమారు రైతాంగాన్ని దగా చేశారని విమర్శించారు.

విజయవాడ, సెప్టెంబర్ 3: ఆంధ్రప్రదేశ్‌కు ప్రత్యేక హోదా విషయంపై అన్ని స్థాయిల్లోను తర్జన భర్జన జరుగుతున్న నేపధ్యంలో శనివారం నగరంలో జరిగిన బిజెపి రాష్ట్ర పదాధికారులు, జిల్లా అధ్యక్షులు, ఇన్‌ఛార్జిల సమావేశంలో పాల్గొన్న పార్టీ జాతీయ కార్యదర్శి, రాష్ట్ర వ్యవహారాల ఇన్‌ఛార్జి సిద్ధార్థనాథ్‌సింగ్ మాత్రం ప్రత్యేక హోదా లేనట్లేనని స్పష్టం చేసినట్లు తెలియవచ్చింది.