విజయవాడ: ప్రత్యేక ప్యాకేజీనా, ప్రత్యేక హోదా అనేది త్వరలో వెలువడనుంది... తొందర్లోనే ఏపీ ప్రజలు శుభవార్త వింటారని బీజేపీ శాసనసభ పక్షనేత విష్ణుకుమార్ రాజు ఓ ప్రకటనలో తెలిపారు. హోదా పేరు లేకుండా మంచి ప్యాకేజీ ఇవ్వబోతున్నట్లు విష్ణు చెప్పారు. ఢిల్లీ వెళ్లి కేంద్ర మంత్రులు, అమిత్ షాను కలవనున్నట్లు ప్రస్తుతం ప్రత్యేక హోదా సెంటిమెంట్‌గా మారిందని ఆయన అన్నారు.

అమరావతి: ఏపీ సచివాలయంలో ఆర్థిక శాఖమంత్రి యనమల రామకృష్ణుడు ఛాంబర్‌ ఎదుట ఒప్పంద అసిస్టెంట్‌ ప్రొఫెసర్ల యూనియన్‌ సభ్యులు శనివారం ఆందోళనకు దిగారు. వర్సిటీల్లో అసిస్టెంట్‌ ప్రొఫెసర్‌ పోస్టుల భర్తీకి స్క్రీనింగ్‌ పరీక్షను రద్దుచేయాలని ఆందోళన చేపట్టారు. ఆందోళనకారులను పోలీసులు అదుపులోకి తీసుకున్నారు.

హైదరాబాద్: కేంద్రం ఏపీకి ప్రత్యేక ప్యాకేజీ ఇస్తే తీసుకుంటాం, ఆ తర్వాత ప్రత్యేక హోదా కోసం ప్రయత్నం చేస్తామని ఏపీ టీడీపీ నేత డొక్కా మాణిక్య వరప్రసాద్ స్పష్టం చేశారు. ప్రత్యేక హెదాపై భావోద్వేగాలను రెచ్చగొట్టడం వల్ల ఏపీ నష్టపోతుందని, ప్రస్తుత పరిస్థితుల్లో ఏపీకి ప్రత్యేక హోదాతో పాటు ప్యాకేజీ కూడా అవసరమన్నారు. ఇచ్చింది వద్దు... రానిదాని కోసం ప్రయత్నం చేద్దాం..

విజయవాడ: ఆంధ్రప్రదేశ్‌కు ప్రత్యేక హోదాతో పాటు ప్రత్యేక ప్యాకేజీ డిమాండ్‌ కూడా ఉందని, ఇప్పుడు కేంద్రం ప్యాకేజీ ఇస్తాన్నందున దాన్ని తీసుకోవడం సబబని మాజీ మంత్రి డొక్కా మాణిక్య వరప్రసాద్‌ శనివారం పేర్కొన్నారు. కేంద్రం నుంచి వచ్చే దాన్ని తీసుకొని రాని వాటికోసం పోరాడటం వివేకుల లక్షణమని స్పష్టం చేశారు. ప్యాకేజీ కూడా వద్దు అన్న రీతిలో జగన్‌ వ్యవహరించడం సరికాదని విమర్శించారు.