విజయవాడ: కాల్ మనీ కేసును పక్కదోవ పట్టించేందుకు వడ్డీ వ్యాపారులపై ప్రభుత్వం పోలీసులతో దాడులు చేయిస్తోందని సీపీఐ జాతీయ కార్యదర్శి కె. నారాయణ ఆరోపించారు. మంగళవారం ఆయన మీడియాతో కాల్ మనీ సెక్స్ రాకెట్ ను, ప్రైవేటు ఫైనాన్స్ ను ఒకేగాటన కట్టేందుకు టీడీపీ సర్కారు ప్రయత్నిస్తోందన్నారు. వడ్డీల పేరుతో మహిళలను వేధించిన కీచకులను కాపాడే ప్రయత్నం జరుగుతోందని నారాయణ ఆరోపించారు.

హైదరాబాద్ : విశాఖలో హైటెక్ వ్యభిచారం చేస్తున్న ముఠా గుట్టును రట్టు చేశారు. విశాఖ కాల్‌గర్స్ పోర్టల్ నిర్వహిస్తూ ఈముఠా విటులను ఆకర్షిస్తోంది. ఈ ముఠాలోని నీలకంఠరెడ్డిని ద్వారకా నగర్ పోలీసులు విశాఖలో అదుపులోకి తీసుకున్నారు. ఈ ముఠాలోని శ్రావణి అనే ఏజెంట్‌ను, మరో ఇద్దరు యువతులన పోలీసులు అదుపులోకి తీసుకున్నారు.

అమరావతి : నవ్యాంధ్ర రాజధానిలో తాత్కాలిక సచివాలయం ఏర్పాటుకు ప్రభుత్వం మంగళవారం ఉత్తర్వులు జారీ చేసింది. 20 ఎకరాల్లో సచివాలయాన్ని నిర్మించనున్నారు. రూ.180 కోట్లతో జూన్ 30లోగా తాత్కాలిక సచివాలయాన్ని పూర్తి చేయాలని ఉత్తర్వుల్లో పేర్కొన్నారు.

దిల్లీ: నూతన సంవత్సరం వేడుకల సందర్భంగా ఉగ్రవాదుల దాడులు జరగవచ్చన్న ఇంటెలిజెన్స్ వర్గాల హెచ్చరికలతో దేశ రాజధాని దిల్లీలో పోలీసులు తనిఖీలు ముమ్మరం చేశారు. వాహనాలను తనిఖీ చేసి అనుమానితులను ప్రశ్నిస్తున్నారు. రాష్ట్రాల్లోనూ భద్రతా చర్యలు తీసుకోవాలని ఇంటెలిజెన్స్ వర్గాలు సూచించాయి.