న్యూఢిల్లీ: స్టేట్ బ్యాంక్ ఆఫ్ ఇండియా (ఎస్‌బీఐ) ఫిక్స్‌డ్ డిపాజిట్ల (ఎఫ్‌డీల)పై వడ్డీ రేటును 0.1 శాతం వరకు పెంచింది. రిజర్వ్ బ్యాంక్ (ఆర్‌బీఐ) ద్రవ్య విధాన ప్రకటన వెలువడనున్న తరుణంలో ఎస్‌బీఐ ఎంపిక చేసిన కాలపరిమితి ఫిక్స్‌డ్ డిపాజిట్లపై వడ్డీ రేటును పెంచడం ప్రాధాన్యత సంతరించుకుంది. ఇతర బ్యాంకులు కూడా ఎస్‌బీఐ బాటలో ఫిక్స్‌డ్ డిపాజిట్లపై వడ్డీ రేట్లను పెంచే అవకాశం ఉంది.

న్యూఢిల్లీ, జూలై 31: ప్రస్తుత ఆర్థిక సంవత్సరం ఏప్రిల్-జూన్ త్రైమాసికంలో ద్రవ్య లోటు రూ. 4.29 లక్షల కోట్లు (62.57 బిలియన్ డాలర్లు)గా నమోదయిందని ప్రభుత్వం మంగళవారం వెల్లడించింది. ప్రస్తుత ఆర్థిక సంవత్సర బడ్జెట్‌లో నిర్దేశించుకున్న లక్ష్యంలో ద్రవ్య లోటు 68.7 శాతంగా ఉంది.

న్యూఢిల్లీ, జూలై 31: దేశ వౌలిక సౌకర్యాల రంగం ఈ సంవత్సరం జూన్ నెలలో గత సంవత్సరం జూన్‌తో పోలిస్తే 6.7 శాతం వృద్ధి చెందింది. ప్రభుత్వం మంగళవారం వెల్లడించిన గణాంకాలు ఈ విషయాన్ని వెల్లడించాయి. ఏడు నెలల్లో అత్యంత వేగంగా సాధించిన వృద్ధి ఇది. వౌలిక సౌకర్యాల రంగం గత సంవత్సరం మే నెలతో పోలిస్తే ఈ సంవత్సరం మేలో 4.3 శాతం వృద్ధి చెందింది.

ముంబయి: దేశ వాణిజ్య రాజధాని ముంబయిలో రిజర్వ్ బ్యాంక్ ఆఫ్ ఇండియా (ఆర్‌బీఐ) మూడు రోజుల కీలక సమావేశం సోమవారం ప్రారంభమైంది. ఆర్‌బీఐ గవర్నర్ ఉర్జిత్ పటేల్ అధ్యక్షతన, ఆరుగురు సభ్యులతో కూడిన మానిటరీ పాలసీ కమిటీ (ఎంపీసీ) వడ్డీ రేట్లపై విస్తృత స్థాయిలో చర్చించి, కీలక నిర్ణయాలు తీసుకోనుంది.