జోహెన్స్‌బర్గ్, జూలై 26: పారిశ్రామిక సాంకేతిక పరిజ్ఞానం, నైపుణ్యాభివృద్ధి రంగాల్లో పరస్పర సహకారంతో స్వావలంభనకు కృషి చేయాలని ప్రధానమంత్రి నరేంద్రమోదీ పిలుపునిచ్చారు. గురువారం ఇక్కడ ఆయన బ్రెజిల్, రష్యా, ఇండియా, చైనా, దక్షిణాఫ్రికా(బ్రిక్స్) దేశాల సదస్సులో ప్రసంగిస్తూ శాస్త్ర, సాంకేతిక రంగాల్లో శరవేగంగా చోటు చేసుకుంటున్న మార్పులపై బ్రిక్స్ దేశాలు పరస్పరం అందించుకోవాలని కోరారు.

న్యూఢిల్లీ, జూలై 26: ఎట్టకేలకు వొడాఫోన్ ఇండియా, ఐడియా సెల్యులార్ సంస్థల విలీనానికి కేంద్ర ప్రభుత్వం గురువారం తుది ఆమోదం తెలిపింది. ఈ రెండు సంస్థలు విలీనం తరువాత దేశంలోనే అతిపెద్ద మొబైల్ ఆపరేటర్‌గా అవతరించనున్నాయి. ఈ విలీనంతో ఏర్పడుతున్న కొత్త సంస్థ వొడాఫోన్ ఐడియా లిమిటెడ్ దేశంలో 35 శాతం వాటాతో సుమారు 430 మిలియన్ ఖాతాదారులను కలిగి ఉంటుంది.

ముంబయి: దేశీయ స్టాక్‌మార్కెట్లు లాభాల బాటలో పయనించాయి. సూచీలు సరికొత్త రికార్డులు నెలకొల్పాయి. రోజంతా లాభాల్లోనే కొనసాగాయి. సెనె్సక్స్ 126 పాయింట్లు లాభపడి 36,985 వద్ద స్థిరపడింది. నిఫ్టీ కూడా 36 పాయింట్ల లాభంతో 11,167 వద్ద ముగిసింది.

ముంబయి, జూలై 25: బొంబాయి స్టాక్ ఎక్స్చేంజ్ (బీఎస్‌ఈ) సెనె్సక్స్ వరుసగా మూడో రోజు బుధవారం సరికొత్త గరిష్ఠ స్థాయి 36,858.23 పాయింట్ల వద్ద ముగిసింది. దేశీయ, విదేశీ మదుపరులు నిరంతరాయంగా కొనుగోళ్లు జరపడంతో ఈ సూచీ 33.13 పాయింట్లు పుంజుకుంది.