న్యూఢిల్లీ, మార్చి 7: ఈ ఆర్థిక సంవత్సరం (2016-17) మూడో త్రైమాసికం (అక్టోబర్-డిసెంబర్)లో భారత జిడిపి వృద్ధిరేటు 7 శాతానికిపైగా నమోదు కావడం ఆశ్చర్యంగా ఉందని అమెరికాకు చెందిన రేటింగ్ దిగ్గజం ఫిచ్ రేటింగ్స్ మంగళవారం వ్యాఖ్యానించింది. ఇటీవల కేంద్ర గణాంకాల కార్యాలయం (సిఎస్‌ఒ) అక్టోబర్-డిసెంబర్ జిడిపి వృద్ధిరేటు 7.1 శాతంగా నమోదైందని ప్రకటించినది తెలిసిందే.

న్యూఢిల్లీ, మార్చి 6: ప్రస్తుత 2016-17 ఆర్థిక సంవత్సరానికిగాను ఒక్కో షేర్‌కు 18.75 రూపాయల మధ్యంతర డివిడెండ్‌ను ఇచ్చేందుకు తమ బోర్డు అంగీకరించిందని సోమవారం ప్రభుత్వరంగ బొగ్గు ఉత్పాదక దిగ్గజం కోల్ ఇండియా లిమిటెడ్ ఓ ప్రకటనలో తెలియజేసింది. 10 రూపాయల ముఖ విలువ కలిగిన ఒక్కో షేర్‌కు ఈ డివిడెండ్‌ను అందించాలని కోల్ ఇండియా ఆడిట్ కమిటీ సిఫార్సు చేసినట్లు ఆ ప్రకటనలో పేర్కొంది.

ముంబయి, మార్చి 6: దేశీయ స్టాక్ మార్కెట్లు సోమవారం భారీ లాభాలను అందుకున్నాయి. వస్తు, సేవల పన్ను (జిఎస్‌టి) అమలుకు మార్గం సుగమం కావడంతో మదుపరులు పెట్టుబడులతో కదం తొక్కారు. బాంబే స్టాక్ ఎక్స్‌చేంజ్ సూచీ సెనె్సక్స్ రెండేళ్ల గరిష్ఠాన్ని చేరగా, 215.74 పాయింట్లు పుంజుకుని 29,048.19 వద్ద ముగిసింది. 2015 మార్చి 5 తర్వాత ఈ స్థాయికి సెనె్సక్స్ చేరుకోవడం ఇదే ప్రథమం. నాడు 29,448.95 వద్ద సెనె్సక్స్ ఉంది.

ముంబయి, మార్చి 6: బ్యాంకులకు మరోసారి భంగపాటు తప్పలేదు. కింగ్‌ఫిషర్ ఎయిర్‌లైన్స్‌కు చెందిన రెండు ప్రధాన స్థిరాస్తులను బ్యాంకర్లు సోమవారం వేలం వేశారు. అయతే ఎప్పట్లాగే ఈసారి కూడా వేలం విఫలమవగా, ఒక్కరంటే ఒక్కరూ కొనేందుకు ముందుకు రాలేదు. లిక్కర్ కింగ్ విజయ్ మాల్యా నేతృత్వంలోని కింగ్‌ఫిషర్ ఎయిర్‌లైన్స్.. బ్యాంకులకు 9 వేల కోట్ల రూపాయలకుపైగా బకాయ పడినది తెలిసిందే.