న్యూఢిల్లీ, డిసెంబరు 5: పెద్ద నోట్ల రద్దు అనంతరం ఆర్థికంగా చిక్కుల్లోపడిన కోళ్ళ పరిశ్రమను అదుకోవాలని కేంద్ర ఆర్థిక శాఖ మంత్రి అరుణ్ జైట్లిని తెలంగాణ పౌల్ట్రీ సంఘం విజ్ఞప్తి చేసింది. ఎంపి జితేందర్‌రెడ్డి నేతృత్వంలో తెలంగాణ పౌల్ట్రీ సంఘం నాయకులు రంజిత్ రెడ్డి, హర్షవర్ధన్ రెడ్డి, రమేష్, సినినిర్మాత బండ్ల గణేష్ తదితరులు ఆర్థిక మంత్రితో సమావేశమై వినతి పత్రాన్ని అందజేశారు.

న్యూఢిల్లీ, డిసెంబర్ 5: కార్ల ధరలను పెంచనున్నట్లు టొయోటా కిర్లోస్కర్ మోటార్ సోమవారం ప్రకటించింది. జనవరి 1 నుంచి పెరిగిన ధరలు అమల్లోకి వస్తాయని స్పష్టం చేసింది. పెరిగిన ఉత్పాదక వ్యయం, ఫారిన్ ఎక్స్‌చేంజ్ ధరల్లో చోటుచేసుకుంటున్న మార్పుల మధ్య ధరల పెంపు అనివార్యమైందని తెలిపింది. స్టీల్, అల్యూమినియం, కాపర్, రబ్బర్ ధరలు పెరిగాయని, కాబట్టి తమ వాహనాల ధరలను 3 శాతం వరకు పెంచుతున్నట్లు వివరించింది.

న్యూఢిల్లీ, డిసెంబర్ 4: పాత పెద్ద నోట్ల రద్దు.. ఆర్థిక వృద్ధికి దోహదపడుతుందని, 10 శాతం జిడిపి నమోదుకు కృషి చేస్తుందని కేంద్ర ఆర్థిక శాఖ సహాయ మంత్రి అర్జున్ రామ్ మేఘ్వాల్ అభిప్రాయపడ్డారు. నోట్ల రద్దు నిర్ణయంతో దేశ ఆర్థిక వృద్ధిరేటు పడిపోతుందన్న అంచనాలు దేశ, విదేశీ రేటింగ్ ఏజెన్సీల నుంచి వ్యక్తమవుతున్న నేపథ్యంలో మంత్రి వాటిని ఖండించారు.

న్యూఢిల్లీ, డిసెంబర్ 4: రిజర్వ్ బ్యాంక్ ఆఫ్ ఇండియా (ఆర్‌బిఐ) గవర్నర్ ఉర్జిత్ పటేల్ నెలసరి వేతనం 2 లక్షల రూపాయలని, ఆయన నివాసంలో సహాయకులు ఎవరూ లేరని ఆర్‌బిఐ తెలిపింది. ముంబయిలో ఆర్‌బిఐ డిప్యూటి గవర్నర్ల ఫ్లాట్లలోనే ఆయన ఉంటున్నారని ఓ ఆర్‌టిఐ ప్రశ్నకు సమాధానంగా సెంట్రల్ బ్యాంక్ స్పష్టం చేసింది. అయితే రెండు కార్లు, ఇద్దరు డ్రైవర్ల సదుపాయాన్ని మాత్రం కల్పించినట్లు తెలిపింది.