S ,7 à 8 RSCA (si SASPAS) et 6 cialis pharmacie cialis rapports de stage.
నేర్చుకుందాం
క. మా యయ్యకుఁ బాయక పని
సేయుచు దీవించి ప్రియము సెప్పుచు నుండున్
మీ యయ్య వెండి మహిమలు
నాయొద్దన పలుక నీకు నానయు లేదే
క. లోకోత్తర చరితుం దగు
నా కావ్య తనూజ నీకు నారాధిత నేఁ
బ్రాకట భూసుర కన్యక
నీ కట్టిన మైల గట్ట నేర్తునె చెపుమా
క. దేవగురు నందనుండను
రావాసంబునకు నరిగి యమరులకును సం
జీవని యుపదేశించి సు
ధీవినుతుఁ డొనర్చుచుండె దేవహితంబుల్
క. గురులకు శిష్యులు పుత్రులు
పరమార్థమ లోకధర్మ పథమిది దీని
బరికింపక రుూ పలుకులు
తరుణీ గురుపుత్రి నీకుఁ దగునే పలుకన్
క. కచుఁడత్యంతవిషా
దాకులుఁడై ‘లోకనింద్యమగు నర్థము నీ
వాకునకుఁదెచ్చుటుచితమె?
నాకు సహోదరివి నీవు నా చిత్తమునన్’
ఉ. నీవును బ్రహ్మచారివి వినీతుఁడ గన్యకన్ మహీ
దేవకులావతంస రవితేజ ! వివాహము నీకు నాకు మున్
భావ జశక్తి వైనయది పన్నుగ నన్ను ఁ బరిగ్రహింపు సం
జీవని తోడ శుక్రుదయం జేయుము నాకుఁబ్రియంబు నావుడున్
తే. విగతజీవుఁడై పడియున్న వేదమూర్తి
యతని చేత సంజీవితుఁడై వెలుంగె
దనుజ మంత్రి యుచ్చారణ దక్షు చేత
నభిహితం బగు శబ్దంబునట్ల పోలె
క. ఉదర భిదాముఖమున న
భ్యుదయములతో నిర్గమించె బుధసుతుఁడు కడుం
డుదయాద్రిదరీ ముఖమున
నుదితుం డగు పూర్ణ హిమమయూఖుఁడ పోలెన్
క. తనువును జీనవము సత్త్వం
బును బడిసితి నీ ప్రసాదమున నీ యుదరం
బనఘా; వెలువడు మార్గం
బొనరింపుము నాకు భూసురోత్తమ దయతోన్
క. భూసురు లాదిగఁ గల జను
లీసుర సేవించిరేని యిది మొదలుగఁ బా
పాసక్తిఁ బతితులగుదురు
చేసెతి మర్యాద దీనిఁ జేకొనుఁడు జనుల్