హైదరాబాద్, జులై 22: ఎంసెట్-2 పేపర్ లీకేజి దోషులను కఠినంగా శిక్షించాలని ఎబివిపి నాయకులు, కార్యకర్తలు డిమాండ్ చేస్తూ నాంపల్లిలోని ఉన్నత విద్యా మండలి ముందు ధర్నా నిర్వహించారు. ఈ ధర్నాలో ఎబివిపి రాష్ట్ర కార్యదర్శి అయ్యప్ప, జాతీయ కార్యవర్గ సభ్యులు ఎం. రాఘవేందర్, నగర కార్యదర్శి జె. దిలీప్, జోనల్ ఇన్‌ఛార్జీలు సురేష్, చైతన్య, శ్రీహరి, శ్రీశైలం, జీవన్, శ్రీరామ్ ప్రభృతులు పెద్ద సంఖ్యలో పాల్గొన్నారు.

హైదరాబాద్, జూన్ 5: తెలంగాణ ప్రభుత్వం అమలు చేస్తున్న పలు సంక్షేమ కార్యక్రమాలు చాలా బాగున్నాయని కేంద్ర మంత్రి ఎం వెంకయ్యనాయుడు అభినందించారు. తెలంగాణ జాగృతి యునైటెడ్ కింగ్‌డమ్ శాఖ ఆధ్వర్యంలో లండన్‌లో కన్నుల పండువగా తెలంగాణ రాష్ట్ర అవతరణ దినోత్సవాన్ని నిర్వహించారు. ఈ వేడుకలకు ముఖ్య అతిథులుగా వెంకయ్యనాయుడు, స్పీకర్ మధుసూదనాచారి పాల్గొన్నారు.

హైదరాబాద్, మే 29: డీజిల్, పెట్రోల్ ట్యాంకర్ల యజమానులు నేటినుంచి సమ్మె చేస్తున్నట్టు ప్రకటించారు. పెట్రో ఉత్పత్తులపై 14.5 శాతం వ్యాట్ ఉపసంహరించాలన్న డిమాండ్‌తో సమ్మెకు దిగినట్టు ట్యాంకర్ల యజమానుల సంఘం ప్రకటించింది. వ్యాట్‌ను ఎత్తివేయాలన్న తమ దీర్ఘకాలిక డిమాండ్‌ను ప్రభుత్వం అంగీకరించనందున సమ్మెకు పూనుకున్నట్టు తెలిపారు.

హైదరాబాద్, మే 24: దక్షిణ మధ్య రైల్వేలో ప్రస్తుతం నడుస్తున్న కొత్త మార్గాల నిర్మాణం, డబ్లింగ్, విద్యుద్దీకరణ వంటి అభివృద్ధి పనులు జరుగుతున్న తీరును దక్షిణ మధ్య రైల్వే జనరల్ మేనేజర్ రవీంద్రగుప్తా సమీక్షించారు. సికిందరాబాద్‌లోని రైల్ నిలయంలో ఆయన ఉన్నతస్థాయి సమావేశం నిర్వహించారు. ఈ సమావేశంలో అన్ని విభాగాల అధికారులు, నిర్మాణ సంస్థల అధిపతులు, రైల్ వికాస్ నిగమ్ లిమిటెడ్ అధికారులు పాల్గొన్నారు.