భువనగిరి, అక్టోబర్ 20: విధులు నిర్వర్తిస్తూ ప్రాణాలు కోల్పోయిన పోలీస్ అమరవీరుల కుటుంబాలకు అండగా ఉంటామని రాచకొండ కమిషనరేట్ యాదాద్రి జోన్ డిప్యూటీ కమిషనర్ పాలకుర్తి యాదగిరి తెలిపారు. గురువారం పట్టణ పోలీస్ స్టేషన్‌లో పోలీస్ అమరవీరుల కుటుంభాల సభ్యులను సన్మానించారు. ఈ సందర్భంగా డిసిపి యాదగిరి మాట్లాడుతు అమరవీరుల సేవలు ఎన్నటికీ మరిచిపోలేనివని తెలిపారు.

విజయవాడ (క్రైం), అక్టోబర్ 20: సమాజ భద్రత కోసం విధి నిర్వహణలో ప్రాణ త్యాగం చేసిన పోలీసు సిబ్బంది కుటుంబాలకు అండగా ఉంటామని రాష్ట్ర డైరెక్టర్ జనరల్ ఆఫ్ పోలీసు నండూరి సాంబశివరావు చెప్పారు. ఆయా కుటుంబాల సంక్షేమం విషయంలో ఎలాంటి రాజీ పడేది లేదని, పోలీసు శాఖ ఆరోగ్య భద్రతతోపాటు, ప్రభుత్వ పరంగా అన్ని విధాల ఆదుకుంటామని అన్నారు.

విజయవాడ (కార్పొరేషన్), అక్టోబర్ 20: ప్రక్రితి వైపరీత్యాలే కాకుండా వివిధ తప్పిదాల వలన ఎదురయ్యే విపత్తు నష్ట నివారణను విజయవాడ నగరపాలక సంస్థ సమర్థవంతంగా ఎదుర్కొంటుందని విఎంసి కమిషనర్ వీరపాండియన్ స్పష్టం చేశారు. గురువారం కమిషనర్ క్యాంప్ కార్యాలయంలో ఆయనను కలుసుకున్న ఐక్యరాజ్య సమితి అభివృద్ధి విభాగం (యుఎన్‌డిపి) ప్రతినిధి బృందానికి నగర విపత్తు నిర్వహణలో విఎంసి తీసుకుంటున్న చర్యలపై సమీక్షించారు.

విజయవాడ, అక్టోబర్ 20: ముద్రా లోన్ బ్యాంక్ ఖాతాలను ప్రజలకు అందించడం ద్వారా చిరు వ్యాపారులు, చేతివృత్తిదారులు, చిన్న, మధ్య తరహా ఔత్సాహిక పారిశ్రామికవేత్తలకు రూ. 10 లక్షల వరకు ఎటువంటి హామీలు, సెక్యూరిటీలు లేకుండా ఇవ్వనున్న రుణాలపై అవగాహన పెంచి రుణాలు అందజేస్తామని జిల్లా లీడ్ బ్యాంక్ మేనేజర్ వెంకటేశ్వరరావు తెలిపారు. ఈ సందర్భంగా ఆయన మాట్లాడుతూ స్టాండప్ ఇండియా పథకంలో భాగంగా రూ. 10 లక్షల నుండి రూ.