లక్ష్మణచాంద, అక్టోబర్ 20: ఆరుగాలం శ్రమించి పండించిన మొక్కజొన్నలను ప్రభుత్వ కొనుగోలు కేంద్రాల్లోనే రైతులు విక్రయించి లబ్ధి పొందాలని నిర్మల్ మార్కెట్ ఛైర్మెన్ దేవెంధర్‌రెడ్డి తెలిపారు. గురువారం లక్ష్మణచాంద మండల కేంద్రంలో మొక్కజొన్న కొనుగోలు కేంద్రాన్ని ప్రారంభించి రైతులనుద్దేశించి ఆయన మాట్లాడారు. దళారులబారినుండి రైతులను రక్షించాలనే ఉద్దేశంతో ప్రభుత్వం కొనుగోలు కేంద్రాలను తెరుస్తుందన్నారు.

నక్కలగుట్ట, అక్టోబర్ 20: పోలీసు కానిస్టేబుళ్ల ప్రిలిమినరీ రాత పరీక్షను ప్రశాంతంగా నిర్వహించేందుకు అన్ని ఏర్పాట్లు చేయడం జరిగిందని వరంగల్ పోలీసు కమిషనర్ జి.సుధీర్‌బాబు ప్రకటించారు. ఈ నెల 23వ తేదీన నిర్వహించబడే కానిస్టేబుళ్ల తుది రాత పరీక్ష సందర్బంగా గురువారం కెయు సెనేట్ హాల్‌లో పోలీసు అధికారులు, పరిశీలకులతో సమావేశం ఏర్పాటు చేశారు.

వడ్డేపల్లి, అక్టోబర్ 20: ప్రజల సమస్యల పట్ల శాంతి భద్రతలను పరిరక్షించడంలో తెలంగాణ పోలీసుల పాత్ర భేష్‌గా ఉందని వరంగల్ జిల్లా అర్బన్ జిల్లా కలెక్టర్ అమ్రపాలి కాట అన్నారు. పోలీసుల అమరవీరుల సంస్మరణ వారోత్సవాలను పురస్కరించుకొని వరంగల్ పోలీస్ కమీషనరేట్ ఆధ్వర్యంలో నగర ప్రజానీకంతో ఆత్మీయ సదస్సును గురువారం పోలీస్ పరేడ్ గ్రౌండ్స్‌లో నిర్వహించారు.

స్టేషన్ ఘన్‌పూర్, అక్టోబర్ 20: జనగామ వద్దు.. వరంగల్ ముద్దు... అంటూ స్టేషన్ ఘన్‌పూర్, చిల్పూర్ మండలాల జాక్ నాయకుల ఆధ్వర్యంలో చేపట్టిన నిరసన కార్యక్రమాలు ఉద్రిక్త పరిస్ధితులకు దారి తీస్తున్నాయి. రోజురోజుకు మిన్నంటుతున్న నిరసన కార్యక్రమాల్లో భాగంగా గురువారం చిల్పూర్ మండలంలోని చిన్నపెండ్యాలలో జాతీయ రహాదారిపై జాక్ నాయకులు బైఠాయించారు.