హైదరాబాద్‌ : ఈనెల 7న హైదరాబాద్‌లో ప్రధాని మోదీ సభ కోసం బీజేపీ భారీ ఏర్పాట్లు చేస్తోంది. మోదీ ప్రధానమంత్రి అయిన తర్వాత మోదీ తొలిసారిగా రాష్ర్టానికి వస్తున్నారని, ఎల్బీ స్టేడియంలో జరగనున్న సభను జయప్రదం చేయానికి అన్ని విధాలా ప్రయత్నం చేస్తున్నట్లు బీజేపీ నేత కిషనరెడ్డి చెప్పారు. పార్టీ కార్యకర్తలు, సాధారణ ప్రజలు సభకు రావాలని ఆయన కోరారు.

హైదరాబాద్: రైతుల నుంచి నేరుగా భూమి కొనుగోలుకు తెలంగాణ ప్రభుత్వం తీసుకువచ్చిన జీవో నెం.123, 124ను బుధవారం హైకోర్టు కొట్టేసింది. జహీరాబాద్ వ్యవసాయ కూలీలు ఈ జీవోలకు వ్యతిరేకంగా హైకోర్టులో పిటిషన్ దాఖలు చేశారు. రైతులతోపాటు కూలీలకు పరిహారం ఇవ్వాలనే నిబంధనను ప్రభుత్వం విస్మరించిందని హైకోర్టు పేర్కొంది.

అనంతపురం: ఈ ఏడాది రాష్టస్థ్రాయి స్వాతంత్య్ర దినోత్సవ వేడుకలను అనంతపురంలో నిర్వహించాలని ప్రభుత్వం నిర్ణయించడంతో అందుకు తగిన సన్నాహాలు చేయడంలో జిల్లా యంత్రాంగం నిమగ్నమైంది. ఇక్కడి పోలీస్ ట్రైనింగ్ కళాశాల ప్రాంగణంలో ఆగస్టు 15న ముఖ్యమంత్రి చంద్రబాబు జాతీయ పతాకాన్ని ఎగురవేసి పోలీసుల నుంచి గౌరవ వందనం స్వీకరిస్తారు.

దిల్లీ: సహారా గ్రూప్‌ అధినేత సుబ్రతారాయ్‌ పెరోల్‌ను సెప్టెంబర్‌ 16వరకు సుప్రీంకోర్టు మరోసారి పొడిగించింది. సహారా గ్రూప్‌ అవకతవకలకు పాల్పడిన నేపథ్యంలో 2014 మార్చిలో సుబ్రతరాయ్‌కు జైలు శిక్ష విధించిన సంగతి తెలిసిందే. ఆగస్టు 3తో పెరోల్‌ గడువు ముగిసింది. రాయ్‌ సుప్రీంను ఆశ్రయించారు. ఈ మేరకు విచారణ చేపట్టిన సుప్రీంకోర్టు రూ.300 కోట్ల డిపాజిట్‌ను కట్టాల్సిందిగా ఆదేశించింది.