కాకినాడ, జనవరి 13: ప్రముఖ కవి, విమర్శకుడు డాక్టర్ అద్దేపల్లి రామమోహన్‌రావు తూర్పు గోదావరి జిల్లా కాకినాడలో బుధవారం తుదిశ్వాస విడిచారు. నగరంలోని ఎస్ అచ్యుతాపురం గ్రామంలో నివసిస్తున్న డాక్టర్ అద్దేపల్లి ఓ ప్రైవేట్ ఆసుపత్రిలో అనారోగ్యంతో చికిత్స పొందుతూ ఉదయం 11.30 గంటల ప్రాంతంలో కన్నుమూశారు. కాకినాడ స్థిరపడిన అద్దేపల్లి స్వస్థలం కృష్ణా జిల్లా బందరు.

హైదరాబాద్, జనవరి 13: ఆంధ్రప్రదేశ్‌లో హైవోల్టేజి విద్యుత్ పంపిణీ పథకాన్ని అమలు చేయనున్నారు. సామర్థ్యంలేని పంపుసెట్లను మార్చి వాటి స్థానంలో నాణ్యమైనవి అమర్చి, విద్యుత్‌ను ఆదాచేయడం ఈ పథకం లక్ష్యం. ఇది నిజంగా రైతులకు శుభవార్తే. జపాన్ ఇంటర్నేషనల్ కో ఆపరేటివ్ ఏజన్సీ మంజూరు చేసిన రూ.294.75 కోట్లతో మొదట దీనిని ప్రారంభిస్తారు.

హైదరాబాద్, జనవరి 13: తెలంగాణ రాష్ట్ర సమితి దళితులను మోసం చేసిందని బిజెపి రాష్ట్ర అధ్యక్షుడు, ఎమ్మెల్యే జి.కిషన్ రెడ్డి విమర్శించారు. బిజెపి అంటే భారతీయ జోకర్ పార్టీ అని విమర్శించిన రాష్ట్ర మంత్రి కె.తారక రామారావు బహిరంగ క్షమాపణ చెప్పాలని ఆయన డిమాండ్ చేశారు. తమకు సంస్కృతి, సంప్రదాయాలు ఉన్నాయి కాబట్టి అలా మాట్లాడలేమని అన్నారు.

చౌటుప్పల్, జనవరి 13: సంక్రాంతి పండుగ పర్వదినం వేడుకల్లో పాల్గొనేందుకు పొరుగు రాష్టమ్రైన ఆంధ్రప్రదేశ్‌కు పెద్ద ఎత్తున ప్రజలు తరలివెళ్తుండఆంతో హైదరాబాద్ - విజయవాడ జాతీయ రహదారిపై నల్లగొండ జిల్లాలో వాహనాల రద్దీ బుధవారం సాయంత్రం మరింత పెరిగింది. ఈ నెల 14, 15, 16 తేదీలలో జరుగుతున్న సంక్రాంతి వేడుకల్లో పాల్గొనేందుకు వేల సంఖ్యలో ప్రజలు ఆంధ్రకు పయనమవడంతో హైవేపై అడుగడుగునా ట్రాఫిక్ జామ్ అవుతోంది.