న్యూఢిల్లీ, సెప్టెంబరు 25: పోలవరం ప్రాజెక్టు నిర్మాణానికి కేంద్రం ఇవ్వాల్సిన వాటా లో పెండింగ్ నిధులు సహా రూ.2800 కోట్లు మంజూరు చేసేందుకు కేంద్రం అంగీకరించింది. సోమవారం ఉత్తరాఖండ్‌లోని ముస్సోరి పర్యటన ముగించుకున్న సిఎం చంద్రబాబు సాయంత్రం ఢిల్లీకి చేరుకుని కేంద్ర ఉపరితల రవాణా, జలవనరుల మంత్రి నితిన్ గడ్కరీ, పెట్రోలియం మంత్రి ధర్మేంద్ర ప్రధాన్‌తో సమావేశమయ్యారు.

న్యూఢిల్లీ, సెప్టెంబర్ 25: అవినీతికి వ్యతిరేకంగా తాను చేపట్టిన పోరాటంలో రాజీ పడే ప్రసక్తేలేదని, ఈ విషయంలో ఎవరినీ వదిలిపెట్టే పరిస్థితీ ఉండదని ప్రధాని నరేంద్ర మోదీ సోమవారం ఇక్కడ పునరుద్ఘాటించారు. బిజెపి జాతీయ కార్యనిర్వాహకవర్గ సమవేశాన్ని ఉద్దేశించి మాట్లాడిన మోదీ, అవినీతి వ్యతిరేక పోరాటంలో రక్షించుకోడానికి తనకంటూ ఎవరూ బంధువులు లేరని ప్రతిపక్షాలకు చురక వేశారు.

న్యూఢిల్లీ, సెప్టెంబర్ 24: ప్రతి నెలా తాను రేడియో ద్వారా ఇస్తున్న ‘మన్ కీ బాత్’ కార్యక్రమం మూడేళ్లు పూర్తి చేసుకున్న సందర్భంగా ప్రధాని నరేంద్ర మోదీ ఈ కార్యక్రమం పట్ల ప్రతిపక్షాల విమర్శలను తిప్పికొట్టారు. ప్రజల స్పందనను రాజకీయాలకు అతీతంగా ఈ కార్యక్రమం ద్వారా ప్రతిఫలింపజేయడానికే ప్రయత్నించానని తన మనసులోని భావలను మరోసారి వ్యక్తం చేశారు.

శ్రీనగర్/న్యూఢిల్లీ, సెప్టెంబర్ 24: జమ్ము కాశ్మీర్‌లో ఉగ్రవాదులకు నిధులను సమకూరుస్తున్నారన్న సమాచారం మేరకు కాశ్మీర్ యూనివర్సిటీలో పిహెచ్‌డి చదువుతున్న ఓ విద్యార్థికి, వాణిజ్య సంఘాల నేతకు, ఇద్దరు హురియత్ నేతలకు సోమవారం హాజరు కావాలని జాతీయ దర్యాప్తు సంస్థ (ఎన్‌ఐఏ) సమన్లు జారీ చేసింది.