శ్రీనగర్, మే 18:కేంద్ర ప్రభుత్వం చారిత్రక రీతిలో జూలై 1 నుంచి అమలు చేయతలపెట్టిన వస్తు సేవల పన్ను (జిఎస్‌టి) పరిధిలోకి వచ్చే 90శాతం వస్తువుల రేట్లు ఖరారయ్యాయి. జన బాహుళ్యం ఎక్కువగా వినియోగించే వాటిపై పన్నులు తగ్గించారు. ఆహార ధాన్యాలు, బెల్లంను లెవీ పరిధి నుంచి పూర్తిగా మినహాయించారు. చక్కెర, టీ, వంటనూనెలపై కనిష్ట స్థాయిలో ఐదుశాతం మాత్రమే పన్ను ఉంటుంది.

న్యూఢిల్లీ, మే 17: ఉపాధ్యాయుల ఏకీకృత సర్వీసు రూల్స్‌కు జూన్ రెండోవారంలోగా రాష్టప్రతి ఆమోదం లభించేలా చర్యలు తీసుకుంటామని తెలుగు రాష్ట్రాలకు కేంద్రం హామీ ఇచ్చిం ది. ఏకీకృత సర్వీసు రూల్స్‌కు ఇప్పటికే కేంద్ర న్యాశాఖ అంగీకారం తెలిపినందున, పిఎంవో, కేంద్ర హోంశాఖల ఆమోదం లభింపచేసి రాష్టప్రతి ఆమోదం పొందేలా చర్యలు తీసుకోవాలన్న తెలుగు రాష్ట్రాలకు విజ్ఞప్తికి కేంద్రం సానుకూలంగా స్పందించింది.

హేగ్, మే 17: భారత నేవీ మాజీ అధికారి కులభూషణ్ జాదవ్ కేసులో అంతర్జాతీయ న్యాయస్థానం (ఐసిజె) గురువారం తీర్పు ఇవ్వనుంది. భారత కాలమానం ప్రకారం గురువారం మధ్యాహ్నం 3.30 గంటలకు న్యాయస్థానం తీర్పు వెలువరించనుందని భారత అధికారులు తెలిపారు. గూఢచర్యం ఆరోపణలపై పాక్ మిలిటరీ అధికారులు జాదవ్‌ను గత ఏడాది అరెస్టు చేశారు. పాక్ సైనిక న్యాయస్థానం ఆయనకు ఇటీవలే మరణ శిక్ష విధించింది.

న్యూఢిల్లీ, మే 17: ట్రిపుల్ తలాఖ్ ఇస్లాం మతంలో అంతర్భాగం కాదని, మెజారిటీ, మైనారిటీ సమస్యా కూడా కాదని కేంద్రం బుధవారం సుప్రీంకోర్టు ఎదుట వాదించింది. ఇది ముస్లిం పురుషులు, అన్యాయానికి గురవుతున్న మహిళల మధ్య జరుగుతున్న సంఘర్షణేనని పేర్కొంది. ట్రిపుల్ తలాఖ్ విధానంపై బలమైన రీతిలో న్యాయ సమీక్ష జరగాలని అటార్నీ జనరల్ ముకుల్ రోహత్గీ స్పష్టం చేశారు.