న్యూఢిల్లీ, మే 21: ఎన్నికల ఖర్చును ప్రభుత్వమే భరించాలన్న ప్రతిపాదనను ఎన్నికల కమిషన్ వ్యతిరేకించింది. దీనికి బదులుగా రాజకీయ పార్టీల ఎన్నికల ఖర్చును నియంత్రించేందుకు వీలుగా విస్తృత స్థాయి సంస్కరణలు తీసుకురావాలని పార్లమెంటరీ కమిటీకి తేల్చిచెప్పింది. ప్రైవేటు నిధులు, పార్టీ విరాళాలతోనే ఇప్పటి వరకూ రాజకీయ పార్టీలు ఎన్నికల ఖర్చును భరిస్తూ వచ్చాయి.

న్యూఢిల్లీ, మే 20: తెలంగాణకు పసుపు బోర్డు ఇవ్వలేమని కేంద్రం స్పష్టం చేసింది. దానికి బదులు సుగంధ ద్రవ్యాల పార్క్ ఇస్తామని కేంద్ర వాణిజ్య మంత్రి నిర్మలా సీతారామన్ వెల్లడించారు. సీతారామన్ శనివారం విలేఖరుల సమావేశంలో మాట్లాడుతూ గత మూడేళ్లలో తమ శాఖ సాధించిన విజయాలను వివరిస్తూ ఈ అంశాన్ని వెల్లడించారు.

నాతులా, మే 20: దేశాన్ని రక్షించే క్రమంలో ప్రాణాలు కోల్పోయే ప్రతి పారా మిలిటరీ జవానుకు కోటి నష్టపరిహారం ఇవ్వనున్నట్లు కేంద్ర హోం మంత్రి రాజ్‌నాథ్ సింగ్ ప్రకటించారు. అంతేకాకుండా 34 వేల పారామిలటరీ కానిస్టేబుల్ పోస్టులను హెడ్ కానిస్టేబుళ్లుగా అప్‌గ్రేడ్ చేయనున్నట్లు ప్రకటించారు.

న్యూఢిల్లీ, మే 19: దేశవ్యాప్తంగా సంచలనం సృష్టించిన బొగ్గు గనుల కుంభకోణంలో సిబిఐ ప్రత్యేక కోర్టు శుక్రవారం బొగ్గు శాఖ మాజీ కార్యదర్శి హెచ్‌సి గుప్తాను దోషిగా నిర్ధారించింది.