న్యూఢిల్లీ, మార్చి 2: కేంద్ర ప్రభుత్వం కొత్త రాజధాని ఎంపికకు ఏర్పాటు చేసిన శివరామకృష్ణ కమిటీ సిఫారసు చేసిన ప్రమాణాలు అమరావతికి సరిపోతాయని ఆంధ్రప్రదేశ్ ప్రభుత్వం న్యాయవాది ఏ.పి.గంగూలీ గురువారం జాతీయ హరిత ట్రిబ్యునల్ ముందు వాదించారు. అమరావతి పర్యావరణ అనుమతులపై దాఖలైన పిటిషన్లను హరిత ట్రిబ్యునల్ నేడు విచారించింది.

న్యూఢిల్లీ, మార్చి 2: భావప్రకటనా స్వేచ్ఛను తాను సమర్థిస్తానని, అయితే అదికూడా చట్టాల పరిధిలోనే ఉండాలని రక్షణమంత్రి మనోహర్ పారికర్ అన్నారు. గురువారం ఇక్కడ జరిగిన డిఆర్‌డిఓ ఏర్పాటు చేసిన ఓ కార్యక్రమం సందర్భంగా విలేఖరులు ఎబివిపికి వ్యతిరేకంగా ఆందోళన చేపట్టిన ఢిల్లీ యూనివర్శిటీ విద్యార్థిని గుర్‌మెహర్ కౌర్ వివాదం గురించి అడిగిన ఒక ప్రశ్నకు సమాధానంగా పారికర్ ఈ వ్యాఖ్యలు చేవారు.

ఉజ్జయినీ/న్యూఢిల్లీ, మార్చి 2: కేరళ ముఖ్యమంత్రి పినారాయి విజయన్ తల నరికితే కోటి రూపాయల బహుమతి ఇస్తానని ఆర్‌ఎస్‌ఎస్ కార్యకర్త కుందన్ చంద్రావత్ ప్రకటించారు. కేరళలో ఆర్‌ఎస్‌ఎస్ కార్యకర్తల్ని సిపిఎం కార్యకర్తలు చంపడానికి ప్రతీకారం తీర్చుకునేందుకే ఈ రివార్డు ప్రకటించినట్టు మధ్యప్రదేశ్‌లోని ఉజ్జయినీ విభాగం ఆర్‌ఎస్‌ఎస్ సహ్ ప్రచార్ ప్రముఖ్‌గా ఉన్న చంద్రావత్ తెలిపారు.

న్యూఢిల్లీ, మార్చి 2: దేశవ్యాప్తంగా గల వివిధ మెడికల్ కళాశాలలు, ఆసుపత్రుల్లో కలిపి 2017-18 విద్యాసంవత్సరంలో మరో నాలుగు వేలకు పైగా పోస్టు గ్రాడ్యుయేట్ (పిజి) సీట్లను సృష్టించే ప్రతిపాదనకు కేంద్రం ఆమోదం తెలిపింది. కేంద్ర ఆరోగ్య శాఖ మంత్రి జెపి నడ్డా గురువారం ఇక్కడ ఈ విషయం వెల్లడించారు.