ఉదయపూర్, ఫిబ్రవరి 18: దేశమంతటా ఒకేరకమైన వస్తు సేవల పన్ను (జిఎస్‌టి) అమలు దిశగా ప్రభుత్వం మరో అడుగు ముందుకు వేసింది. దీనిని అమలు చేయడం వల్ల రాష్ట్రాలకు వచ్చే రెవిన్యూ నష్టాన్ని భర్తీ చేయడానికి ఉద్దేశించిన చట్టాన్ని జిఎస్‌టి కౌన్సిల్ శనివారం ఆమోదించింది. దీని అమలుకు వీలుగా తీసుకురావలసిన అనుబంధ చట్టాల ఆమోదాన్ని తదుపరి సమావేశానికి వాయిదా వేసింది.

న్యూఢిల్లీ, ఫిబ్రవరి 17: పర్యావరణాన్ని స్వచ్ఛంగా తీర్చిదిద్దాలని రైల్వే మంత్రి సురేశ్ ప్రభు పిలుపునిచ్చారు. వాతావరణ మార్పుకు కారణం గురించి ఒకరిపై ఒకరు నిందలు వేసుకోకుండా అంతా కలిసి స్వచ్ఛమైన పర్యావరణం కోసం కృషి చేయాలని ఆయన ఉద్బోధించారు. పర్యావరణాన్ని పరిరక్షించవలసిన అవసరంపై ప్రజలను చైతన్యవంతం చేయడానికి ఉద్దేశించిన 16 బోగీలతో కూడిన సైన్స్ ఎక్స్‌ప్రెస్‌ను శుక్రవారం ఇక్కడ ఆయన ప్రారంభించారు.

ఎటావా, ఫిబ్రవరి 17: సమాజ్‌వాది పార్టీకి కంచుకోట అయిన ఎటావాలో చిన్నాన్న శివపాల్ యాదవ్‌పై ఉత్తరప్రదేశ్ ముఖ్యమంత్రి అఖిలేష్ యాదవ్ పరోక్షంగా విమర్శలు కరిపిస్తూ, తన నేతృత్వంలోనిదే అసలైన సమాజ్‌వాది పార్టీ అని, తనను బలహీనపరచడానికి ప్రయత్నించే వారికి ప్రజలే బుద్ధి చెప్తారని హెచ్చరించారు.‘నేను ఎంతో నమ్మకం పెట్టుకున్నవారు నాకు, నేతాజీకి (ములా యం) మధ్య విభేదాలు సృష్టించడానికి ప్రయత్నించారు.

లక్నో, ఫిబ్రవరి 17: లక్నో సెంట్రల్ నియోజకవర్గంలో ‘ఓటరు నంబర్ 141’ మరోసారి తన ఓటు హక్కును వినియోగించుకోవడం లేదు. ఈ ఓటరు ఎవరో కాదు. లోక్‌సభలో వరుసగా అయిదుసార్లు లక్నో నియోజకవర్గానికి ప్రాతినిధ్యం వహించిన 92 ఏళ్ల మాజీ ప్రధానమంత్రి అటల్ బిహారి వాజపేయి. చివరిసారిగా 2004 లోక్‌సభ ఎన్నికల్లో వాజపేయి ఓటు వేశారు. ఆయన 2004 ఎన్నికల్లోనే చివరిసారిగా పోటీ చేశారు.