న్యూఢిల్లీ, ఫిబ్రవరి 21: ఆయుష్, ఆయుర్వేద వంటి ప్రత్యామ్నాయ వైద్య చికిత్సా విధానాలను ప్రోత్సహించాల్సిందిగా విదేశాలలో ఉన్న ఇండియన్ మిషన్‌లను ఆదేశించినట్లు విదేశీ వ్యవహారాల శాఖ సహాయ మంత్రి జనరల్ వికె సింగ్ తెలిపారు. ఆయుష్, ఆయుర్వేద వంటి ప్రత్యామ్నాయ వైద్యాన్ని ప్రోత్సహించడానికి తీవ్రంగా కృషి చేయాలని ఇండియన్ మిషన్‌లను విదేశీ వ్యవహారాల మంత్రిత్వ శాఖ ఆదేశించిందని ఆయన వివరించారు.

న్యూఢిల్లీ, ఫిబ్రవరి 21: ఎన్నికల్లో ఓటర్లను ఆకర్షించేందుకు వారికి లంచాలు ఇవ్వడాన్ని ‘విచారించదగిన నేరం’గా సవరించాలన్న ప్రతిపాదనకు మెజారిటీ రాష్ట్రాలు మద్దతు పలికాయి. ఎన్నికల్లో అవినీతిని ‘విచారించదగిన నేరం’గా సవరిస్తే ధనబలాన్ని నిరోధించడానికి ఉపయోగపడుతుందని ఎన్నికల సంఘం (ఇసి) భావిస్తోంది. ప్రస్తుతం నేర శిక్షాస్మ్మతి (సిఆర్‌పిసి) ప్రకారం ఓటర్లకు లంచాలు ఇవ్వడం విచారించదగిన నేరం కాదు.

న్యూఢిల్లీ, ఫిబ్రవరి 21: ఉత్తరప్రదేశ్ అసెంబ్లీ ఎన్నికల్లో బిజెపి తిరుగులేని మెజారిటీ సాధిస్తుందని కేంద్ర పట్టణాభివృద్ధి మంత్రి ఎం వెంకయ్యనాయుడు ధీమా వ్యక్తం చేశారు. ఎస్‌పి, బిఎస్‌పి ప్రతిపక్ష స్థానంకోసం పోటీపడుతున్నాయని మంగళవారం ఇక్కడ అభిప్రాయపడ్డారు. ముఖ్యమంత్రి అఖిలేశ్ యాదవ్ గుజరాత్ గాడిదలంటూ చేసిన వ్యాఖ్యలను మంత్రి తప్పుపట్టారు. అఖిలేశ్ వాడిన భాష ప్రజల భాష కాదని ఆయన విమర్శించారు.

న్యూఢిల్లీ, ఫిబ్రవరి 21: హైదరాబాద్‌లో తెలంగాణ జేఏసీ ఆధ్వర్యంలో బుధవారం చేపట్టనున్న నిరుద్యోగుల ర్యాలీకి ఢిల్లీ తెలంగాణ జేఏసీ సంఘీభావం తెలిపింది. అధికారంలోకి వస్తే ఏటా లక్ష ఉద్యోగాలు కల్పిస్తామని ఎన్నికల ముందు ఇచ్చిన హామీ ఏమైందని టీఆర్‌ఎస్‌ను ఢిల్లీ టీజేఏసీ ప్రశ్నించింది.