న్యూఢిల్లీ, నవంబర్ 9: ఆంధ్రప్రదేశ్‌లో రాష్ట్ర మెడికల్ కమిషనర్‌ను నియమించాలని అఖిల భారత పంచాయితీ రాజ్ పరిషత్ జాతీయ కార్యదర్శి జాస్తి వీరాంజనేయులు ఇఎస్‌ఐ డైరెక్టర్ జనరల్‌కు విజ్ఞప్తి చేశారు. వీరాంజనేయులు బుధవారం ఇఎస్‌ఐ డిజిని కలిసి ఈ మేరకు ఒక వినతిపత్రం అందజేశారు. రాష్ట్ర విభజన జరిగిన అనంతరం ఆంధ్రప్రదేశ్‌లో రాష్ట్ర మెడికల్ కమిషనర్‌ను నియమించలేదని ఆయన తెలిపారు.

న్యూఢిల్లీ, నవంబర్ 9: అవినీతి రహిత భారత దేశాన్ని సృష్టించడం కోసం 500, వెయ్యి రూపాయల నోట్లను రద్దు చేయాలన్న నిర్ణయం తీసుకున్నట్లు ప్రధాని నరేంద్ర మోదీ ట్విట్టర్‌లో తన నిర్ణయాన్ని స్వాగతిస్తూ అభినందనలు తెలియజేసిన ప్రముఖులకు ఇచ్చిన సమాధానంలో తెలియజేశారు.

న్యూఢిల్లీ, నవంబర్ 8: సరిహద్దుల్లో నెలకొన్న ఉద్రిక్త పరిస్థితులపై ప్రధాని నరేంద్రమోదీ మంగళవారం త్రివిధ దళాధిపతులతో సమీక్ష నిర్వహించారు. ఎలాంటి అంశాలనైనా ఎదుర్కోవడానికి సైనిక దళాల సంసిద్ధత గురించీ వివరాలు తెలుసుకున్నారు. పాక్ సైన్యం గత రెండు నెలల నుంచి తెరిపి లేకుండా కాల్పుల విరమణ ఒప్పందాన్ని ఉల్లంఘిస్తున్న నేపథ్యంలో సైనిక దళాల సంసిద్ధతపై త్రివిధ దళాధిపతులతో మోదీ చర్చించటం గమనార్హం.

జమ్మూ, నవంబర్ 8: కాల్పుల ఒప్పందాన్ని ఉల్లంఘించి సరిహద్దుల్లోని భారత సైనిక స్థావరాలపైన, పౌర నివాస ప్రాంతాలపైన తరచూ కాల్పులు జరుపుతున్న పాక్ సైన్యానికి భారత్ మరోసారి గట్టిగా బుద్ధి చెప్పింది. మంగళవారం ఉదయం జమ్మూ, కాశ్మీర్‌లోని నౌషేరా సెక్టార్‌లోనియంత్రణ రేఖ వెంబడి పాకిస్తాన్ భారత సైనిక స్థావరాలపైన, నివాస ప్రాంతాలపై పెద్ద ఎత్తున మోర్టార్‌లతో గుళ్ల వర్షం కురిపించింది.