న్యూఢిల్లీ, నవంబర్ 10:జిఎస్‌టి విధానం వల్ల చలన చిత్ర పరిశ్రమకు ఎదురయ్యే సమస్యలను పరిష్కరించాలని రాష్ట్ర ఐటి పరిశ్రమలు, పురపాలక శాఖ మంత్రి కెటి రామారావు కేంద్ర ఆర్థిక మంత్రి అరుణ్ జైట్లీని కోరారు. కెటిఆర్ గురువారం సినీ నిర్మాతలు డి సురేష్‌బాబు, సి కల్యాణ్‌లతో కలసి జైట్లీతో భేటీ అయ్యారు.

న్యూఢిల్లీ, నవంబర్ 10: ఆంధ్రప్రదేశ్‌లో 525 కోట్ల పెట్టుబడితో అపోలో టైర్ల కర్మాగారం ఏర్పాటు చేసేందుకు రంగం సిద్ధమైంది. ముఖ్యమంత్రి చంద్రబాబు, అపోలో అధ్యక్షుడు ఓంకార్ కన్వర్ సమక్షంలో రాష్ట్ర పరిశ్రమల డైరక్టర్ కార్తికేయ మిశ్రా, అపోలో టైర్స్ డైరక్టర్ సునమ్ సర్కార్ ఒప్పందంపై సంతకాలు చేశారు. అపోలో టైర్స్ రాష్ట్రంలో అత్యాధునిక టైర్ల ఉత్పత్తి పరిశ్రమను ఏర్పాటు చేస్తుంది.

న్యూఢిల్లీ, నవంబర్ 9: ప్రధాన మంత్రి నరేంద్ర మోదీ పెద్ద నోట్లను రద్దు చేస్తూ తీసుకున్న నిర్ణయాన్ని రాజకీయం చేయవద్దని కేంద్ర సమాచార, పట్టణాభివృద్ధి శాఖ మంత్రి ఎం వెంకయ్యనాయుడు ప్రతిపక్షాలకు హితవు చెప్పారు. బుధవారం నాడిక్కడ విలేఖరులతో మాట్లాడుతూ నల్లధనాన్ని అదుపుచేస్తూ, ఉగ్రవాదుల కార్యక్రమాలకు అడ్డుకట్టవేసే పెద్ద నోట్ల రద్దును స్వాగతించాలని విజ్ఞప్తి చేశారు.

ముంబయి/న్యూఢిల్లీ, నవంబర్ 9: పిడుగుపాటు చందంగా 500, 1000 రూపాయల నోట్లు రాత్రికి రాత్రే రద్దుకావడంతో దేశ వ్యాప్తంగా అన్ని రాష్ట్రాల్లోనూ ప్రజలు నరకయాతనే అనుభవించారు. ఇప్పటివరకూ ఈ రెండు విలువల్లోనే కరెన్సీ అందుబాటులో ఉండడం వల్ల ఎవరి దగ్గరా తక్కువ విలువగల నోట్లు లేకపోవడంతో పరిస్థితి దారుణంగా మారింది.