ఇస్లామాబాద్, నవంబర్ 8: సరిహద్దుల్లో భారత్ కాల్పుల విరమణ ఒప్పందాన్ని ఉల్లఘించిందని ఆరోపిస్తున్న పాకిస్తాన్ దీనిపై వివరణ కోరేందుకు మంగళవారం భారత డిప్యూటీ హైకమిషనర్‌ను తన విదేశాంగ శాఖ కార్యాలయానికి పిలిపించింది. అయితే పాకిస్తాన్ సైన్యాలే అధీన రేఖ వెంబడి ఎలాంటి కవ్వింపూ లేండానే కాల్పులు పాల్పడుతోందని, ఫలితంగా భారత సైనికులతో సహా పలువురు పౌరులు మృతి చెందారని భారత డిప్యూటీ కమిషనర్ ప్రత్యారోపణ చేశారు.

చెన్నై, నవంబర్ 8: తమిళనాడు ముఖ్యమంత్రి జయలలిత ఆరోగ్య పరిస్థితి బాగా మెరుగైంది. అమ్మ అపోలో ఆసుపత్రి నుంచి వారం పది రోజుల్లో డిశ్చార్జి అవుతారని అన్నాడిఎంకె అధికార ప్రతినిధి సి పొన్నియన్ మంగళవారం వెల్లడించారు.‘జయకు ఫిజియోథెరపీ జరుగుతోంది. ఆమె చక్కగా స్పందిస్తున్నారు. రెండు వారాల్లోపే అమ్మ డిశ్చార్జి అవుతుంది’అని ఆయన చెప్పారు. జయలలితకు వెంటిలేటర్ తొలగించినా శ్వాస తీసుకోగలుగుతున్నానని తెలిపారు.

న్యూఢిల్లీ, నవంబర్ 8: రద్దు చేసిన నోట్ల స్థానంలో మార్కెట్‌లోకి రానున్న రూ.2000 నోటు పని చేసే విధానం ఎలా ఉంటుందో తెలుసుకుందాం. ఈ నోట్‌పై నానో టెక్నాలజీతో రూపొందించిన జిపిఎస్ అమరిక ఉంటుంది. దీనికి బ్యాటరీ, విద్యుత్ అవసరం లేకుండానే పని చేస్తుంది. ఇది కేవలం సిగ్నల్ రిఫ్లెక్టర్‌గానే ఉపయోగపడుతుంది. ఉపగ్రహం నుంచి వచ్చే సంకేతాలకు ఇది ప్రతిస్పందిస్తుంది.

మీరు ఏమి చేయాలంటే..

ఎలాంటి పరిమితి లేకుండా 500, 1000 కరెన్సీ నోట్లను బ్యాంకులు లేదా పోస్ట్ఫాసుల్లో 10 నవంబర్ నుంచి 30 డిసెంబర్ 2016 వరకు డిపాజిట్ చేసుకోవచ్చు. అలాగే విత్‌డ్రావెల్స్‌కు సంబంధించి రోజుకు పదివేలు, వారంలో 20వేల వరకు పరిమితి వర్తిస్తుంది. రానున్న రోజుల్లో ఈ పరిమితి క్రమంగా పెరుగుతుంది.