న్యూఢిల్లీ, ఆగస్టు 12: స్వాతంత్య్రం సిద్ధించి 70 ఏళ్లు పూర్తయిన సందర్భంగా ఈ ఏడాది ‘తిరంగా యాత్ర’ పేరిట పెద్ద ఎత్తున స్వాతంత్య్ర వేడుకలను నిర్వహించాలని కేంద్ర ప్రభుత్వం యోచిస్తున్న విషయం తెలిసిందే. వారం రోజుల పాటు నిర్వహించనున్న ఈ వేడుకల్లో భాగంగా కేంద్ర మంత్రులు స్వాతంత్య్ర ఉద్యమంలో పాల్గొన్న ప్రముఖ యోధుల జన్మస్థలాలను. సరిహద్దు ఔట్‌పోస్టులను సందర్శించనున్నారు.

న్యూఢిల్లీ, ఆగస్టు 12: దేశంలో పన్నుల వ్యవస్థను సమూలంగా మార్చివేసిన వస్తు సేవల పన్ను (జిఎస్‌టి) బిల్లుతోపాటు పలు ముఖ్యమైన బిల్లులను ఆమోదించిన పార్లమెంటు వర్షాకాల సమావేశాలు శుక్రవారం నిరవధికంగా వాయిదా పడ్డాయి. జూలై 18న ప్రారంభమై మొత్తం ఇరవై రోజులపాటు కొనసాగిన పార్లమెంటు సమావేశాలు చాలా సంవత్సరాల తరువాత ప్రశాంతంగా జరిగాయి.

న్యూఢిల్లీ, ఆగస్టు 12: హైకోర్టు ప్రదాన న్యాయమూర్తుల, న్యాయమూర్తుల బదిలీలు నియామకాలపై కొలీజియం నిర్ణయాలను అమలు చేయడంలో జాప్యం పట్ల సుప్రీంకోర్టు శుక్రవారం కేంద్రంపై తీవ్రంగా మండిపడింది. దీనివల్ల న్యాయ వ్యవస్థ కుప్పకూలిపోతోందని సుప్రీంకోర్టు అంటూ, ఈ జాప్యాన్ని ఎంతమాత్రం సహించబోమని, ప్రభుత్వాన్ని జవాబుదారీ చేయడం కోసం జోక్యం చేసుకుంటామని హెచ్చరించింది.

లక్నో: తన తల్లిని చంపినవారి అంతు చూడాలని 9వ తరగతి చదువుతున్న లితికా బన్సల్ అనే 15 ఏళ్ల బాలిక యూపీ సిఎం అఖిలేష్ యాదవ్‌కు రక్తంతో లేఖ రాసింది. జూన్ 14న బులంద్‌షహర్‌లో లితికా తల్లి అనూ బన్సల్‌ను సజీవదహనం చేశారు. తల్లిని చంపవద్దని తనతో పాటు తన 11ఏళ్ల సోదరి తన్యా ఎంత బతిమిలాడినా వినకుండా చంపేశారని రాసింది. అబ్బాయిలకు జన్మనివ్వలేదని ఆరోపిస్తూ తన బాబాయిలే ఈ ఘాతుకానికి పాల్పడ్డారని వెల్లడించింది.