శ్రీనగర్: జమ్ము-కాశ్మీర్ విద్యాశాఖా మంత్రి నరుూమ్ అఖ్తర్ అధికార నివాసంపై సోమవారం అర్ధరాత్రి దుండగులు పెట్రోల్ బాంబులు వేశారు. ఆ సమయంలో ఇంట్లో మంత్రి నరుూమ్, ఆయన కుటుంబ సభ్యులు లేకపోవడంతో ఎలాంటి ప్రాణనష్టం జరగలేదు. బాంబులు పేలి ఇంటిముందు భాగం ధ్వంసమైంది. శ్రీనగర్‌లో ఆర్ అండ్ బి భవనంతో పాటు మరికొన్ని చోట్ల ఆగంతకులు బాంబులు విసిరారు. ఈ ఘటనతో మంత్రుల ఇళ్లవద్ద భద్రతను పెంచారు.

న్యూఢిల్లీ, ఆగస్టు 1: ప్రత్యేక హోదా డిమాండ్ చేస్తున్న ఆంధ్రకు ప్యాకేజీ ప్రకటించే అంశాన్ని ప్రధాని మోదీ నేతృత్వంలోని ఎన్డీయే సర్కారు పరిశీలిస్తోంది. ఏపీకి హోదా ఇవ్వటం సాధ్యంకాదు కనుక, దానిస్థానే ప్యాకేజీ ప్రకటించటం ద్వారా అత్యధిక ఆర్థిక సాయం అందించాలని కేంద్రం కసరత్తు చేస్తోంది.

న్యూఢిల్లీ, జూలై 1: బాబ్లీ ప్రాజెక్టు పర్యవేక్షణ కమిటీలో ఆంధ్రను కొనసాగించాలని సుప్రీంకోర్టు స్పష్టం చేసింది. పర్యవేక్షణ కమిటీలో ఏపీని తొలిగించాలన్న మహారాష్ట్ర, తెలంగాణ వాదనలను ధర్మాసనం తోసిపుచ్చింది. బాబ్లీ పర్యవేక్షణ కమిటీపై సుప్రీంకోర్టులో దాఖలైన పిటిషన్‌పై ప్రధాన న్యాయమూర్తి జస్టిస్ టిఎస్ ఠాకుర్, జస్టిస్ ఖన్‌వాల్కర్, జస్టిస్ చంద్రచూడ్‌లతో కూడిన ధర్మాసనం సోమవారం విచారణ జరిపింది.

న్యూఢిల్లీ, ఆగస్టు 1: నరేంద్ర మోదీ ప్రభుత్వం అత్యంత ప్రతిష్టాత్మకంగా భావిస్తున్న వస్తు సేవల పన్ను (జిఎస్‌టి) బిల్లును బుధవారం రాజ్యసభలో ప్రవేశ పెట్టనున్నారు. ఎట్టి పరిస్థితుల్లోనైనా ఈ బిల్లును ఆమోదింపజేసుకోవాలని పట్టుదలగా ఉన్న బిజెపి రానున్న మూడు రోజుల్లో పార్టీ ఎంపీలందరూ తప్పని సరిగా సభకు హాజరుకావాలంటూ సోమవారం విప్ జారీ చేసింది.