న్యూఢిల్లీ, నవంబర్ 10: క్రికెటర్లకు డోప్ పరీక్షను నిర్వహించేందుకు ఎట్టి పరిస్థితుల్లోనూ అనుమతించబోమని భారత క్రికెట్ నియంత్రణ బోర్డు (బీసీసీఐ) తేల్చిచెప్పింది. తాత్సాలికంగా శక్తిసామర్థ్యాలను పెంచుకోవడం ద్వారా లాభపడాలని అనుకునే క్రీడాకారులు మాదక ద్రవ్యాలను వాడడం కొత్తేమీ కాదు. ఎంతో మంది ఒలింపియన్లు సైతం డోప్ పరీక్షలో పట్టుబడుతున్నారు.

కోల్‌కతా, నవంబర్ 9: భారత్‌తో జరిగే టెస్టుల్లో నలుగురు బౌలర్ల వ్యూహానే్న అనుసరిస్తామని శ్రీలంక కెప్టెన్ దినేష్ చండీమల్ సూచన ప్రాయంగా తెలిపాడు. యుఎఇలో పాకిస్తాన్‌తో జరిగిన టెస్టు సిరీస్‌లో శ్రీలంక ఐదుగురు బౌలర్లు, ఆరుగురు బ్యాట్స్‌మెన్‌తో ఆడింది. గురువారం ప్రాక్టీస్ సెషన్ అనంతరం చండీమల్ విలేఖరులతో మాట్లాడుతూ, దుబాయ్‌లోని వాతావరణానికి, అక్కడి పిచ్‌ల తీరుకు ఆ వ్యూహం సత్ఫలితాలనిచ్చిందని చెప్పాడు.

కోల్‌కతా: శ్రీలంకతో జరిగే రెండు రోజుల టూర్ మ్యాచ్‌లో పాల్గొనే బోర్డు ప్రెసిడెంట్స్ ఎలెవెన్ జట్టుకు వికెట్‌కీపర్-బ్యాట్స్‌మన్ సంజూ శాంసన్ కెప్టెన్‌గా ఎంపికయ్యాడు. నమన్ ఓఝా గాయపడడంతో అతని స్థానంలో సెలక్టర్లు శాంసన్‌ను కెప్టెన్‌గా నియమించారు. నమన్‌కు బదులు పంజాబ్ యువ బ్యాట్స్‌మన్ అన్‌మోల్‌ప్రీత్ సింగ్‌కు జట్టులో చోటు కల్పించారు.

మిలాన్, నవంబర్ 9: దక్షిణ కొరియా ఆటగాడు హుయెన్ చుంగ్ ఇక్కడ జరుగుతున్న నెక్ట్స్ జనరేషన్ ఎటిపి టూర్ ఫైనల్స్‌లో సెమీ ఫైనల్ చేరాడు. ప్రతి ఏడాది చివరిలో అటు మహిళలు, ఇటు పురుషుల విభాగంలో మేటి స్టార్ల మధ్య టూర్ ఫైనల్స్ జరుగుతాయి. డబ్ల్యుటిఎ ఆధ్వర్యంలో జరిగే మహిళల టూర్ ఫైనల్స్ టైటిల్‌ను కరోలిన్ వొజ్నియాకి కైవసం చేసుకున్న విషయం తెలిసిందే. తుది పోరులో ఆమె వీనస్ విలియమ్స్‌ను 6-4, 6-4 తేడాతో ఓడించింది.