ఫుజో, నవంబర్ 15: చైనా ఓపెన్ సూపర్ సిరీస్ ప్రీమియర్ బాడ్మింటన్ టోర్నమెంట్ మహిళల సింగిల్స్‌లో భారత జాతీయ చాంపియన్, ప్రపంచ మాజీ నంబర్ వన్ సైనా నెహ్వాల్ రెండో రౌండ్ చేరింది. మొదటి రౌండ్‌లో ఆమె బీవన్ జాంగ్‌ను 21-12, 21-13 తేడాతో ఓడించింది. ఈ రౌండ్‌ను సునాయాసంగానే ముగించినప్పటికీ, రెండో రౌండ్‌లో ఆమెకు జపాన్ క్రీడాకారిణి అకానే యమాగూచీ నుంచి గట్టిపోటీ ఎదురుకానుంది.

డబ్లిన్ (ఐర్లాండ్)లో జరిగిన వరల్డ్ కప్ సాకర్ క్వాలిఫయర్స్‌లో హ్యాట్రిక్ సాధించిన డెన్మార్క్ ఆటగాడు క్రిస్టియన్ ఎరిక్సెన్ ఆనందం. అతని ప్రతిభ రిపబ్లిక్ ఆఫ్ ఐర్లాండ్‌పై డెన్మార్క్‌కు 5-1 తేడాతో
విజయాన్ని సాధించిపెట్టింది. అంతేగాక, ఈ విజయంతో డెన్మార్క్ వరల్డ్ కప్ సాకర్ ఫైనల్స్‌కు అర్హత సంపాదించింది

న్యూఢిల్లీ, నవంబర్ 15: లోధా సిఫార్సుల అమలుకు తీసుకోవాల్సిన చర్చలపై చర్చించి, తదనుగుణంగా తీర్మానాలను ఆమోదించేందుకు వార్షిక సర్వసభ్య సమావేశం (ఎస్‌జీఎం)ను నిర్వహించాలని, అందుకు సంబంధించిన నోటీసును గురువారంలోగా విడుదల చేయాలని భారత క్రికెట్ నియంత్రణ బోర్డు (బీసీసీఐ)ని పాలకాధికారుల బృందం (సీఓఏ) ఆదేశించింది.

ఇండోర్, నవంబర్ 15: లండన్ ఒలింపిక్స్ కాంస్య పతక విజేత యోగేశ్వర్ దత్, ఇటీవల కాలంలో సంచలన విజయాలతో దూసుకెళుతున్న భజరంగ్ పునియా తదితరులు బరిలో లేకపోవడంతో, గురువారం నుంచి మొదలయ్యే జాతీయ రెజ్లింగ్ చాంపియన్‌షిప్‌లో సుశీల్ కుమార్ స్టార్ అట్రాక్షన్‌గా నిలుస్తున్నాడు. రెండు పర్యాయాలు ఒలింపిక్ పతకాలు సాధించిన సుశీల్ సుమారు మూడు సంవత్సరాలుగా రెజ్లింగ్ పోటీలకు దూరంగా ఉంటున్నాడు.