లండన్, మార్చి 8: ఐసిసి మహిళల వరల్డ్ కప్‌లో భారత్ తన మొదటి మ్యాచ్‌ని ఇంగ్లాండ్‌తో ఆడనుంది. ఈ ఏడాది జూన్ 24 నుంచి మొదలయ్యే మహిళల వరల్డ్ కప్ పోటీలకు ఇంగ్లాండ్ ఆతిథ్యమివ్వనుంది. కాగా, డెర్బీలో జరిగే మొదటి మ్యాచ్‌లో ఇంగ్లాండ్‌ను ఢీకొంటున్న భారత్ ఆతర్వాత 29న వెస్టిండీస్‌తో టాంటన్‌లో తలపడుతుంది. అభిమానులు ఎంతో ఆసక్తిగా ఎదురుచూస్తే మ్యాచ్ జూలై 2న డెర్బీలో జరుగుతుంది.

గ్రేటర్ నోయిడా, మార్చి 8: తటస్థ వేదిక గ్రేటర్ నోయిడాలో బుధవారం జరిగిన మొదటి టి-20 మ్యాచ్‌ని ఆరు వికెట్ల తేడాతో గెల్చుకున్న అఫ్గానిస్తాన్ మూడు మ్యాచ్‌ల ఈ సిరీస్‌లో ఐర్లాండ్‌పై 1-0 ఆధిక్యాన్ని సంపాదించింది. తొలుత బ్యాటింగ్‌కు దిగిన ఐర్లాండ్ 20 ఓవర్లలో 5 వికెట్లకు 165 పరుగులు చేసింది. స్టువర్ట్ థాంప్సన్ 56, కెప్టెన్ విలియమ్ పోర్టర్‌ఫీల్డ్ 39, గారీ విల్సన్ 41 (నాటౌట్) మెరుగైన స్కోర్లు చేశారు.

గాలే, మార్చి 8: కుశాల్ మెండిస్ ఆరు పరుగుల తేడాతో డబుల్ సెంచరీ చేజార్చుకున్నాడు. అయితే, అతని ప్రతిభకు అసెల గుణరత్నే, నిరోషన్ డిక్‌విల్లా, దిల్‌రువాన్ పెరెనా అర్ధ శతకాలు జత కలవడంతో, బంగ్లాదేశ్‌తో జరుగుతున్న మొదటి టెస్టు తొలి ఇన్నింగ్స్‌లో శ్రీలంక 494 పరుగుల భారీ స్కోరు సాధించింది.

బెంగళూరు, మార్చి 7: ఆస్ట్రేలియాతో బెంగళూరులో జరిగిన రెండో టెస్టు క్రికెట్ మ్యాచ్‌లో భారత జట్టు సంచలన విజయాన్ని సాధించింది. ఆసీస్ రెండో ఇన్నింగ్స్‌లో స్పిన్నర్ రవిచంద్రన్ అశ్విన్ 41 పరుగులకే 6 వికెట్లు కైవసం చేసుకుని ఈ మ్యాచ్‌ను భారత్‌కు అనుకూలంగా మార్చాడు. దీంతో భారత జట్టు మరో రోజు ఆట మిగిలి ఉండగానే 75 పరుగుల తేడాతో కంగారూలను మట్టికరిపించి నాలుగు టెస్టుల సిరీస్‌ను 1-1తో సమం చేసింది.