హైదరాబాద్, ఫిబ్రవరి 3: మేడారం సమ్మక-సారలమ్మల జాతరకు వెళ్లేందుకు వచ్చేందుకు గాను టిఎస్‌ఆర్టీసి శనివారం వరకు 34 వేల ట్రిప్పులు బస్సులు నడిపిందని ఆర్టీసి ఎండి జివి రమణారావు తెలిపారు. తద్వారా 10.25 లక్షల మంది యాత్రీకులను వారివారి గమ్యస్ధానాలకు చేర్చినట్లు స్పష్టం చేశారు. కిక్కిరిసిన భక్తుల రద్దీకి అనుగుణంగా ప్రణాళికా బద్దంగా బస్సులను నడిపి ఎలాంటి ఇబ్బంది లేకుండా పరిష్కరించగలిగామని చెప్పారు.

హైదరాబాద్, ఫిబ్రవరి 3: పాలమూరు రంగారెడ్డి ఎత్తిపోతల స్కీంకు ఎదురవుతున్న న్యాయ, పర్యావరణ అవరోధాలను అధిగమించి త్వరితగతిన ఈ ప్రాజెక్టును పూర్తి చేయాలన్న సంకల్పంతో రాష్ట్రప్రభుత్వం ఉంది. ఈ ప్రాజెక్టుకు ఆంధ్రప్రదేశ్ ప్రభుత్వం విభజన జరిగినప్పటి నుంచి అభ్యంతరాలు లేవనెత్తుతున్నా, వెనకబడిన పాలమూరు, రంగారెడ్డి, నల్లగొండ జిల్లాలను సస్యశ్యామలం చేసేందుకు ఈ ప్రాజెక్టును చేపట్టింది.

హైదరాబాద్, ఫిబ్రవరి 3: చేనేత కార్మికులకు సంబంధించిన రుణ మాఫీ విషయంలో పరిశ్రమల శాఖ, జౌళి శాఖ మంత్రి కె. తారక రామారావు అసెంబ్లీలో హామీ ఇచ్చి, ఇంత వరకూ జివో ఇవ్వలేదని టి.పిసిసి అనుబంధ విభాగమైన వీవర్స్ సెల్ చైర్మన్ గూడూరి శ్రీనివాస్ విమర్శించారు. రాష్ట్రంలో వేలాది మంది చేనేత కార్మికులు అప్పుల ఊబిలో కూరుకుపోయారని, అనేక మంది అప్పుల బాధలతో ఆత్మహత్యలు చేసుకున్నారని ఆయన ఆందోళన వ్యక్తం చేశారు.

హైదరాబాద్, ఫిబ్రవరి 3: ఎస్‌సిల వర్గీకరణపై ఎఐసిసి అధ్యక్షుడు రాహుల్ గాంధీతో ప్రధాని నరేంద్ర మోదీకి లేఖ రాయించాల్సిందిగా ఎంఆర్‌పిఎస్ అధ్యక్షుడు మంద కృష్ణ మాదిగ కాంగ్రెస్ నాయకుడు, ఎమ్మెల్యే ఎ. రేవంత్ రెడ్డిని కోరారు. శనివారం మంద కృష్ణ మాదిగ రేవంత్ రెడ్డి నివాసానికి వెళ్ళి ఈ విషయమై చర్చించారు. రేవంత్ రెడ్డి స్పందిస్తూ తాను ఇదివరకే ఈ విషయాన్ని ఎఐసిసి నాయకుల దృష్టిలో పెట్టానని చెప్పారు.