హైదరాబాద్, జూన్ 9: కబ్జాకు గురైన భూములపై న్యాయ పోరాటం చేస్తానని బిజెపి నాయకుడు, మాజీ మంత్రి డాక్టర్ నాగం జనార్దన్ రెడ్డి తెలిపారు. భూ కబ్జాలపై తమ వద్ద పూర్తి ఆధారాలు ఉన్నాయని, దీనిపై కేంద్రానికి నివేదిక ఇస్తామని డాక్టర్ నాగం శుక్రవారం విలేఖరుల సమావేశంలో తెలిపారు. భూకబ్జాలపై ముఖ్యమంత్రి కె. చంద్రశేఖర్ రావుకు ఎన్నో నివేదికలు అందాయని ఆయన చెప్పారు.

హైదరాబాద్, జూన్ 9: ఉగ్రవాదుల కదలికలు, దాడుల నేపథ్యంలో హైటెక్ సిటీలోని అన్ని సంస్ధలకు భద్రతను కట్టుదిట్టం చేయాలని కేంద్ర హోంశాఖ హెచ్చరించింది. దీంతో పోలీసు భద్రతను పెంచారు. నిఘా వ్యవస్ధను పటిష్టం చేశారు. మాదాపూర్‌లో అనుమానస్పద వ్యక్తులను అదుపులోకి ప్రశ్నిస్తున్నారు. హైటెక్ సిటీ పరిధిలోని అన్ని పోలీసు స్టేషన్లను అప్రమత్తం చేశారు. పోలీసు గస్తీని పెంచారు.

హైదరాబాద్, జూన్ 9:ఈనెల 18న ముస్లింలకు ప్రభుత్వం తరఫున ఇఫ్తార్ విందు ఇవ్వనున్నట్టు పశు సంవర్థక శాఖ మంత్రి తలసాని శ్రీనివాస్ యాదవ్ తెలిపారు. ఇఫ్తార్ విందు కోసం ఒక్కో మసీదుకు లక్ష రూపాయల చొప్పున 432 మసీదులకు 4.80 కోట్ల రూపాయలు విడుదల చేసినట్టు చెప్పారు. సచివాలయంలో శుక్రవారం మసీదు కమిటీ సభ్యులు, స్థానిక కార్పొరేటర్లతో మంత్రి సమావేశం అయ్యారు.

హైదరాబాద్, జూన్ 8: పూర్వ మహబూబ్‌నగర్ జిల్లాలోని నీటిపారుదల ప్రాజెక్టులను యుద్ధ ప్రాతిపదికన పూర్తి చేసి ఈ ఖరీఫ్ సీజన్‌కు ఎనిమిది లక్షల ఎకరాలకు సాగునీటిని అందించాలని నీటి పారుదల శాఖ నిర్ణయించింది. జిల్లాలోని ప్రాజెక్టుల పురోగతిపై నీటిపారుదల శాఖ మంత్రి టి హరీశ్‌రావు అధికారులతో సమావేశం నిర్వహించారు.