S ,7 à 8 RSCA (si SASPAS) et 6 cialis pharmacie cialis rapports de stage.

సాహితి

09/17/2017 - 22:33

‘పుట్టుక నీది / చావు నీది / బతుకంతా దేశానిది’- అని జయప్రకాశ్ నారాయణ్ మరణించినప్పుడు రాశారు కాళోజీ. ఈ కవితను కాళోజీకి కూడా అన్వయించి చెప్పవచ్చు. దాదాపు తొంభై ఏళ్ళు జీవించిన కాళోజీ ఏడు దశాబ్దాలకు పైగా ప్రజా జీవితంతో మమేకమయ్యారు. తన కళ్లముందు కదలాడిన సామాజిక, రాజకీయ, సాంస్కృతిక జీవనాన్ని తన కవిత్వంలోకి ప్రవహింపజేశాడు.

09/17/2017 - 22:32

‘ఉదయ సూర్యుడి కిరణజాలాన్ని కప్పివేస్తూ అసంఖ్యాకమైన పక్షి సముదాయం. నాయకత్వం వహిస్తూ ఒక గరుత్మంతుడు దారిచూపుతున్నాడు. అవనినంతా కప్పివేస్తున్నట్లుగా అంచులు లేని నీడ, సూర్యగ్రహణం నాడు ఒక అద్భుత లీలగా కన్పించే నీడ- ఆకాశంనుండి జాలువారింది. ఒక వలయం తిరిగి గరుత్మంతుడు తూర్పు దిశగా మళ్లాడు. గ్రామీణులు చప్పట్లు కొడుతున్నారు. సాధు సమూహం ఊర్థస్వరంతో స్తుతిగానం చేస్తూ తూర్పు దిశగా అడుగులు వేశారు.

09/10/2017 - 23:43

ఆకాశవాణిలో తెలుగు ప్రసారాలు మొదలై

ఎనిమిది దశాబ్దాలు దాటిన సమయంలో

ఇలా చర్చించుకోవడం చాలా అవసరం.

ఎంతో ముదావహం. ఒక్క కథానికే కాదు

సర్వకళలకూ సమాదరణ లభించింది.

దానికి కారణం ఆనాటి సమాజపు

చిత్తశుద్ధి, లక్ష్యశుద్ధి, పైపెచ్చు

ఆకాశవాణిలో పనిచేసిన

మహానుభావులు.. ఎందరని చెప్పాలి?

ఒకరా, ఇద్దరా? ఒకచోటనా, రెండు చోట్లనా?

09/10/2017 - 23:42

మట్టి బండి నుండి ప్లాస్టిక్ శకటందాకా
సుదీర్ఘ యాన పరిణామంలో వేరు వేరు

రూపాలు
మనుషుల ముఖాలొకటే జీవనమూర్తులు

వేరు
దారులు వేరు గమ్యాలు వేరు తిరిగే చక్రంపై

తిరుగుతూ
మానవ హక్కుల పోరాటం, ఆధునికం
ఎప్పటికీ వేగంలో వుంటుంది సమస్యలతో
ప్రభావ ఫలితంగా సాధించినవి ఎన్ని ఉన్నా
తృప్తినిచ్చే జవాబు సార్థకతను

09/10/2017 - 23:37

‘పైకి ఎన్ని చెప్పినా ధనికులంటే నాకిష్టం- ధనిక వర్గాలతో పోలిస్తే నేనూ సామాన్యుణ్ణే.. కాని ఆ స్నేహం, సాంగత్యం ఎల్లప్పుడూ ఆనందాన్నివ్వదు. అది లోయలో నడవడం లాంటిది. నడవగా నడవగా ఒక పర్వతం దగ్గరికి చేరుకుంటాం. పైకి చూస్తే ఎత్తుగా శిఖరం కనిపిస్తుంది. మన అల్పత్వం మనకు అప్పుడు తెలిసొస్తుంది. స్వార్థం దిగజారుతుంది’- ఈ వాక్యాలు బుచ్చిబాబుగారి కథానిక ‘దిగజారిన మాలిన్యం’లో మొట్టమొదటిగానే కనిపిస్తాయి.

09/03/2017 - 23:23

‘కవి భిషక్కు’ - ఈ మాట ఒకప్పుడు చాలా ప్రాచుర్యంలో వుండేది. ఆయుర్వేద వైద్యానికి, కవిత్వ రచనకు అవినాభావ సంబంధం వున్నట్లుగా బాగా దాఖలాలున్న ఆ రోజుల్లో- అలాంటి మహనీయులను ‘కవి భిషక్కు’లనేవారు. సాహిత్య సృష్టిలోనూ, వైద్య చికిత్సలోనూ ఆరితేరినవారు ‘కవి భిషక్కు’లు. ఆధునికంగా అలాంటి ‘కవి భిషక్కు’ అనడానికి నిలువెత్తు నిదర్శనంగా వుండేవారు డాక్టర్ ధేనువకొండ శ్రీరామమూర్తి.

09/03/2017 - 23:22

గాలిలో రంగులు ఎగురుతున్నాయి
ఇది హర్షం!
విద్వేషం విభిన్న వర్ణాల్లో
ఆలోచనల అలలపై తేలుతున్నాయి
ఇది ప్రవాహమే, కానీ సంఘర్షణ!
చల్లని చూపు
మనల్ని మనమేంటో చెబుతుంది!
చెట్ల నీడల జాడల వెంట పరుగు..
ఆకుల సందుల్లో మెరిసే కిరణాలు
అక్షింతలై దీవిస్తాయి..
దుఃఖం ముసురుపట్టిన దేహం
కుండపోతగా వర్షిస్తూనే వుంది.
నిజంగా ఓ స్నేహం కోసం

09/03/2017 - 23:22

‘కొండ మీంచి చిన్న బండరాయి పట్టు తప్పి జారిపడింది. ఇసక్కొడి రాయి. గురిపెట్టి రామిగాడి నెత్తిమీద పడ్డది. బండ ముక్కచెక్కలయిపోయింది. రామిగాడి బుర్రా ముక్క ముక్కలయిపోయింది. ఠారుని చచ్చి కూలిపోయాడు. వాడి పుణికెలోంచి కొబ్బరి పువ్వులాగా మెదడు బైటికి వచ్చేసింది. మోచెయ్యి తెగిపోయి రెండు గజాల అవతల ఎగిరిపడ్డది.

08/27/2017 - 22:33

కాలం చలనశీలి. చైతన్యశీలి. కాలంలోని మార్పును, భావజాలంలోని మార్పును పరిగణనలోకి తీసుకుంటే, సమాజంలో వచ్చే మార్పును గమనించవచ్చును. ఈ మార్పునే ఆధునికత అంటాము. ఆధునిక భావజాలంతో కూడిన సాహిత్యం ఆధునిక సాహిత్యంగా పేర్కొనబడుతుంది. భాష, భావం, రూపం మూడింటిలోనూ సమూలమైన మార్పును ఆధునికతగా ప్రస్తావిస్తారు.

08/27/2017 - 22:32

కదిలిరండి కలసిరండి
తరతరాల చరితవున్న
తెలుగు భాష కాపాడ!
తెగువజూపి ఉరకండి!!

ప్రాచీనత హోదావున్న
ప్రపంచాన ప్రసిద్ధైన
అధికమంది పలుకాడె
తెలుగు భాష కాపాడ!
కదలిరండి కలసి రండి
తెలుగు భాష కాపాడ!!

Pages