అందాల తార త్రిష వెండితెరపై అడుగుపెట్టి అప్పుడే దాదాపు పదిహేనేళ్లు గడిచిపోయాయి. తెలుగు, తమిళ చిత్రాల్లో అగ్ర హీరోలందరి సరసన ఆడిపాడిన ఈ భామ ఇక మహిళా ప్రధాన చిత్రాలపైనే మక్కువ పెంచుకుందట. ‘మాయ’ చిత్రం నుంచి మరో అగ్రనటి నయనతార సైతం ఇలాంటి చిత్రాలవైపే మొగ్గు చూపిస్తుండటం మనం చూస్తూనే వున్నాం. త్రిష కూడా ఇక ఆమె బాటలోనే పయనించడానికి సిద్ధమయింది.

అందాల భామ పూజాహెగ్డే కెరీర్ జోరుగా.. హుషారుగా సాగుతోంది. ‘ముకుంద’ చిత్రంలో గోపికమ్మగా ప్రేక్షకులను అలరించిన ఈ అమ్మడు ఆ తర్వాత ఏకంగా బాలీవుడ్‌లో స్టార్ హీరో హృతిక్‌రోషన్‌తో ‘మొహంజోదారో’లో నటించింది. ఆ చిత్రం పెద్దగా విజయం సాధించకపోవడంతో కాస్త నిరాశ చెందినా తన ప్రయత్నాలను మాత్రం ముమ్మరం చేసింది. తాజాగా తెలుగులో అల్లు అర్జున్‌తో ఓ చిత్రంలో గ్లామర్‌ని చిందించడానికి సిద్ధమవుతోంది.

టాలీవుడ్‌లో ‘అలా..మొదలైంది’తో మొదలైన నిత్యామీనన్ వెండితెర ప్రయాణం మూడు పువ్వులు ఆరుకాయలుగా వర్థిల్లుతూనే వుంది. ఎప్పటికప్పుడు వైవిధ్యమైన పాత్రల్లో కనిపిస్తూ తన కెరీర్‌ని చక్కగా మలుచుకుంటోంది. తొలి చిత్రంతోనే మంచి అభినయ సామర్థ్యం వున్న నటిగా మంచి పాపులారిటీ సంపాదించుకుంది. బాల నటిగా కొన్ని చిత్రాల్లో నటించిన నిత్యామీనన్ ఆ తర్వాత జర్నలిజంలో డిగ్రీ పూర్తి చేసింది.

‘‘హెబ్బా..హెబ్బా..’’ అంటున్నారు తాజాగా టాలీవుడ్ జనాలు. ‘అలా ఎలా’ ఈ అమ్మడు నటించిన తొలి చిత్రం. ఈ సినిమాలో నటించినందుకు ఎలాంటి రెమ్యూనరేషన్ తీసుకోలేదట. తాజాగా ‘ఎక్కడికి పోతావు చిన్నవాడా’ చిత్రానికి గాను పాతిక లక్షలకు పైనే పారితోషికం అందుకుందట. చేసిన చిత్రాలు వేళ్ల మీదనే వున్నా, క్రేజ్‌ని మాత్రం బాగానే సంపాదించుకుంది. ఇదే ఊపులో తాజాగా నాలుగైదు చిత్రాల్లో నటిస్తోంది.