టాలీవుడ్, కోలీవుడ్‌లలో స్టార్ హీరోయిన్‌గా విశేష ప్రాచుర్యం పొందిన మిల్క్‌బ్యూటీ తమన్నా ఇకపై నిర్మాణరంగంపై దృష్టి సారించి నిర్మాతగా ప్రేక్షకుల ముందుకు రావడానికి సిద్ధమవుతోందిట. విభిన్న పాత్రల ద్వారా అగ్ర హీరోల సరసన చిందులేసి రెండు భాషల్లోనూ తనకంటూ ఓ ప్రత్యేకతను చాటుకున్న ఈ సుందరాంగి ఓ పక్క తనకిష్టమైన జువెలరీ బిజినెస్‌ను కొనసాగిస్తూనే ఇలా నిర్మాణం రంగంలోకి దూకుతోంది.

అందాల భామల కెరీర్ 30 ఏళ్లు దాటాక మార్కెట్ మెల్లమెల్లగా తగ్గుముఖం పట్టడం సహజమే. వయసు పెరుగుతున్న కొద్దీ క్రేజ్ కూడా పడిపోతుంటుంది. కానీ బ్యూటీ నయనతార క్రేజ్ మాత్రం ఇప్పటికీ ఏ మాత్రం తగ్గకపోగా, పెరిగిపోతూనే వుంది. కోలీవుడ్‌లో అడుగుపెట్టడంతో మొదలైన కెరీర్ ఆరంభంలోనే అగ్ర హీరోలతో జతకట్టింది. వారి సరసన ఆటపాటలతో యువతను విశేషంగా అలరించింది. రాను రాను నాజుగ్గా మారి కుర్ర హీరోల సరసన చిందులేసింది.

బాలీవుడ్‌లో ఎప్పుడూ పారితోషికాల గొడవే. హీరోలతో సమానంగా ఆడి పాడుతున్నా, తమకు రెమ్యూనరేషన్ విషయంలో సరైన న్యాయం జరగడంలేదని కథానాయికలు వాపోతుండటం సహజమే. ఇప్పుడు అలాంటి ఆలోచనకు తావులేనేలేదనే విషయాన్ని అందాల భామ సోనాక్షి సిన్హా కొట్టిపారేస్తుంది. అవును..నిజమే ఇది! ఇప్పుడు బాలీవుడ్‌లో మంచి మంచి కథలు..ముఖ్యంగా కథానాయికలను బేస్ చేసుకొని వస్తున్న కథలు చాలానే వుంటున్నాయి. ఇది మంచి మార్పు.

టాలీవుడ్‌లో కాస్త ఇమేజ్ రాగానే తమ తదుపరి అడుగు కోలీవుడ్.. ఆపై బాలీవుడ్‌వైపునకు వేయాలని చాలా మంది తారలు ఉవ్విళ్లూరుతుంటారు. అందుకోసం ఎన్నో కలలు కూడా కంటుంటారు. తమన్నా, శ్రుతిహాసన్, అనుష్క, సమంత ఇలా అనేక మంది అందాల భామలు తెలుగు, తమిళం అంటూ రెండు పడవల ప్రయాణం చేస్తుండం మనం చూస్తూనే వున్నాం. అదే కోవలోకి ఇప్పుడు యువతరం కలల సుందరి రాశీఖన్నా కూడా చేరిపోయింది.