కర్నూలు, సెప్టెంబర్ 23:జిల్లాలోని నీటిపారుదల చెరువులో ముళ్లకంపలను తొలగించి పూడికతీత పనులు చేపట్టేందుకు సర్వే ప్రక్రియ ప్రారంభించాలని కలెక్టర్ విజయమోహన్ ఆదేశించారు. కలెక్టర్ శుక్రవారం కలెక్టరేట్ నుంచి వీడియో కాన్ఫరెన్స్ ద్వారా 23మండలాల తహశీల్దార్లు, ఇరిగేషన్ అధికారులతో సమీక్ష నిర్వహించారు.

మహానంది, సెప్టెంబర్ 23: మహానంది పుణ్యక్షేత్రంలో భక్తులు హుండీల ద్వారా సమర్పించిన కానుకల ద్వారా రూ.25,63,148లు ఆదాయం లభించినట్లు ఇఓ డా.శంకర వర ప్రసాద్ తెలిపారు. శుక్రవారం మహానంది పుణ్యక్షేత్రంలోని ఉభయ దేవాలయాల హుండీలను ఇఓ, చైర్మన్ పాణ్యం ప్రసాద్‌ల ఆధ్వర్యంలో లెక్కించారు.

కర్నూలు సిటీ, సెప్టెంబర్ 23:నగరంలోని ప్రభుత్వాసుపత్రి చరిత్రలో మొట్టమొదటి సారిగా గుండె విభాగంలో ఓపెన్ హార్ట్ సర్జరీని విజయవంతంగా పూర్తి చేయటం జిల్లాకే గర్వకారణమని సిపిఎం జిల్లా కార్యదర్శి కె.ప్రభాకర్‌రెడ్డి శుక్రవారం ఒక ప్రకటనలో తెలిపారు. కార్డియో థోరాసిక్ విభాగంలో కర్నూలు నగరానికి చెందిన 22 ఏళ్ల షాజిదాబికి ఆరోగ్యశ్రీ నిధులతో ఓపెన్‌హార్ట్ సర్జరీని విజయవంతంగా పూర్తి చేశారన్నారు.

రాజమహేంద్రవరం, సెప్టెంబర్ 23: బలహీన వర్గాలను బలవంతులుగా చేసేందుకు ముఖ్యమంత్రి చంద్రబాబునాయుడు కంకణం కట్టుకున్నారన్నారని రాష్ట్ర సాంఘిక సంక్షేమ శాఖ మంత్రి కొల్లు రవీంద్ర అన్నారు. బీసీ ఫైనాన్స్ కార్పొరేషన్ ద్వారా బీసీ సంక్షేమానికి అందించే పెండింగ్ రుణాలను శుక్రవారం రాజమహేంద్రవరంలో మంత్రి విడుదల చేశారు. ఈ మేరకు 2014-15, 2015-16కు సంబంధించి పెండింగ్‌లో వున్న రూ.102 కోట్ల రుణాల చెక్కును అందించారు.