నాంపల్లి, సెప్టెంబర్ 23: వర్షం గత మూడు రోజుల నుంచి విపరీతంగా కురుస్తుండటంతో గ్రామంలోని వాగులు పొంగి పొర్లుతున్నాయి. భారీ వర్షాల కారణంగా ప్రభుత్వం అప్రమత్తమై బడులకు సెలవు ప్రకటించడంతో మొదటి రోజే మండంలోని గానుగుపల్లి గ్రామానికి చెందిన మానాల సాయికుమార్(14) శుక్రవారం శేశిలేటివాగు నుండి వచ్చే వరదనీరు గానుగుపల్లిలో విపరీతంగా పారుతుండటంతో విద్యార్ధి అందులో పడి గల్లంతయ్యాడు.

నల్లగొండ, సెప్టెంబర్ 23: జిల్లాలో భారీ వర్షాలు, వరదలతో ఆస్తినష్టం, ప్రాణ నష్టం వాటిల్లిన బాధిత కుటుంబాలకు ప్రభుత్వం తగిన సహాయం అందిస్తుందని రాష్ట్ర విద్యుత్ శాఖ మంత్రి జి.జగదీష్‌రెడ్డి భరోసానిచ్చారు. శుక్రవారం రాత్రి ఆయన జిల్లా కేంద్రం నల్లగొండ పట్టణంలో వర్షాలు, వరదల తాకిడికి గురైన ప్రాంతాలను ఆయన సందర్శించి బాధితుల నుండి వివరాలు తెలుసుకున్నారు.

మహబూబ్‌నగర్, సెప్టెంబర్ 23: బంగాళాఖాతంలో ఏర్పడ్డ అల్పపీడన ధ్రోణితో జిల్లాలో వాన దంచికొడుతుంది. ఐదు రోజుల నుండి ఎడతెరిపి లేని వర్షం కురుస్తుండడం జిల్లాలోని చెరువులు, కుంటలు నిండుకుండలా మారాయి. భారీ వర్షానికి వాగులు, వంకలు పొంగిపొర్లుతున్నాయి. గ్రామాలకు వెళ్లే బీటి రోడ్ల బ్రిడ్జిలపై వర్షపునీరు వరదలా ప్రవహిస్తుండడంతో రాకపోకలకు ఇబ్బందులు ఏర్పడుతున్నాయి.

అలంపూర్, సెప్టెంబర్ 23: ప్రతి విద్యార్థి భావిభారత పౌరులుగా తయారు కావాలని కలెక్టర్ శ్రీదేవి అన్నారు. శుక్రవారం అలంపూర్ పట్టణ సమీపంలో గల మాంటిస్సోరి స్కూల్‌లో జరిగిన ఇంటరాక్టివ్ కార్యక్రమంలో ముఖ్యఅతిథిగా హాజరై విద్యార్థులతో మాట్లాడారు. ఈ సందర్భంగా కలెక్టర్ మాట్లాడుతూ ప్రతి విద్యార్థి అబ్దుల్‌కలాం, పివి సిందు లాంటి వారిని ఆదర్శంగా తీసుకోవాలని సూచించారు.