విశాఖ: సూర్యగ్రహణం సందర్భంగా బుధవారం ఉదయం విశాఖ, కళింగపట్నం, కృష్ణపట్నం తదితర సాగర తీరాల్లో భక్తులు పుణ్యస్నానాలు ఆచరించారు. గ్రహణం విడుపు అనంతరం సముద్ర స్నానం చేస్తే దోషాలు తొలిగిపోతాయని భక్తుల విశ్వాసం. విశాఖ ఆర్‌కె బీచ్‌లో స్నానాలు చేసేందుకు భారీ సంఖ్యలో మహిళలు చేరుకున్నారు.

హైదరాబాద్: గోదావరి నదిపై ఐదు ప్రాజెక్టులు నిర్మించేందుకు మహరాష్ట్ర ప్రభుత్వంతో తెలంగాణ సర్కార్ ఒప్పందం చేసుకున్న నేపథ్యంలో ఆ ప్రభావం ఆంధ్రప్రదేశ్‌పై ఎలా ఉంటుందన్న అంశాన్ని పరిశీలిస్తున్నామని మంత్రి దేవినేని ఉమ బుధవారం చెప్పారు.

ఆదిలాబాద్: గూడెం ఎత్తిపోతల పథకం ద్వారా రబీ పంటలకు సాగునీటిని అందించాలని డిమాండ్ చేస్తూ దండెపల్లి మండలం కేంద్రంలో రైతులు బుధవారం రాస్తారోకో చేశారు. దీంతో వాహనాల రాకపోకలకు అంతరాయం కలిగింది.

హైదరాబాద్: రంగారెడ్డి జిల్లా వికారాబాద్‌లో నకిలీ నోట్లు చలామణి చేస్తున్న ఇద్దరిని బుధవారం పోలీసులు అరెస్టు చేసి రెండు లక్షల డెబ్బై వేల రూపాయల కరెన్సీని స్వాధీనం చేసుకున్నారు.