హైదరాబాద్: ఆంధ్రప్రదేశ్ రోడ్డు రవాణా సంస్ధను ఆర్ధికంగా పటిష్ఠం చేయాలని వైకాపా ఎమ్మెల్యే రవీంద్రనాథ్‌రెడ్డి కోరారు. మంగళవారం జీరో అవర్‌లో ఆయన మాట్లాడుతూ కండక్టర్ల వ్యవస్ధను తొలగించేందుకు యాజమాన్యం ప్రయత్నిస్తోందన్నారు. తెలంగాణ ప్రభుత్వం వెయ్యి కోట్లను మంజూరు చేసి ఆర్టీసి నిలదొక్కుకునేందుకు చర్యలు తీసుకుందన్నారు. ఏపిఎస్ ఆర్టీసి కూడా ఉద్యోగుల ప్రయోజనాలను పరిరక్షించేందుకు చర్యలు తీసుకోవాలన్నారు.

హైదరాబాద్: చట్టసభల్లో మహిళలకు మూడో వంతు రిజర్వేషన్లు కల్పించాలని కోరుతూ ఆంధ్రప్రదేశ్ శాసనసభ మంగళవారం నాడు ఏకగ్రీవంగా తీర్మానాన్ని ఆమోదించింది.

హైదరాబాద్ : ఆంధ్రప్రదేశ్‌లో డాక్టర్ల పోస్టులను మెరిట్ ఆధారంగానే భర్తీ చేస్తున్నామని వైద్య ఆరోగ్య మంత్రి కామినేని శ్రీనివాస్ తెలిపారు. మంగళవారం ఆయన ఇక్కడి తన అధికారిక నివాసంలో మీడియా ప్రతినిధుల సమావేశంలో మాట్లాడారు.

హైదరాబాద్: దేశంలోనే అన్ని రాష్ట్రాలను మించి మహిళలకు పెద్దపీట వేసి గౌరవించిన ఘనత తెలంగాణ ప్రభుత్వానిదేనని రాష్ట్ర ఆర్థికశాఖ మంత్రి ఈటల రాజేందర్ అన్నారు. మహిళలకు అన్ని రంగాలలోను 33 శాతం రిజర్వేషన్‌ను కల్పిస్తూ కేంద్ర ప్రభుత్వ ఆమోదానికి పంపించామని అన్నారు. అంతర్జాతీయ మహిళా దినోత్సవం సందర్భంగా మంగళవారం సాయంత్రం లలిత కళాతోరణంలో జరిగిన కార్యక్రమంలో ఆయన మాట్లాడారు.