భీమవరం, జూలై 23: ప్రధాన మంత్రి నరేంద్ర మోదీ, ముఖ్యమంత్రి చంద్రబాబు వైఫల్యాల వల్ల ఆత్మహత్యలు చేసుకుంటున్న అన్నదాతల కోసం ఆంధ్రప్రదేశ్‌లో మూడు రోజుల పాటు జైల్ భరో కార్యక్రమం నిర్వహిస్తున్నామని సిపిఐ రాష్ట్ర కార్యదర్శి కె రామకృష్ణ ప్రకటించారు. ఈ నెల 24 నుంచి మూడు రోజుల పాటు ఈ కార్యక్రమాన్ని నిర్వహిస్తామన్నారు. ఈ జైల్ భరోలో తామే స్వచ్ఛందంగా అరెస్టు అవుతామన్నారు.

వినుకొండరూరల్, జూలై 22: గుంటూరు జిల్లా వినుకొండ మండలంలోని గోకనకొండ గ్రామంలో వివాహిత కొండి వరలక్ష్మి (22) శనివారం రాత్రి తన 6 నెలల కుమార్తె శర్మిషను నీటితొట్టిలో వేసి చంపి, అనంతరం తాను కూడా ఇంట్లో ఉరేసుకుని ఆత్మహత్య చేసుకుంది. కుటుంబ కలహాలనేపథ్యంలో పాపను చంపి తాను ఆత్మహత్య చేసుకున్నట్టు తెలుస్తోంది. పోలీసులు సంఘటన స్థలికి చేరుకుని వివరాలు సేకరిస్తున్నారు.

విజయవాడ (కార్పొరేషన్), జూలై 22: అధికార తెలుగుదేశం పార్టీ, ప్రతిపక్ష వైఎస్‌ఆర్ కాంగ్రెస్ పార్టీలు రాష్టప్రతి ఎన్నికల్లో మిలాఖత్ అయిన విషయాన్ని గుర్తిస్తే ఆ రెండు పార్టీలు కేంద్రంలోని ఎన్‌డిఎ ప్రభుత్వానికి మోకరిల్లుతూ తమ స్వార్థ రాజకీయ ప్రయోజనాల కోసం రాష్ట్ర ప్రయోజనాలను తాకట్ట పెట్టినట్టుగా భావించాల్సి ఉంటుందని పిసిసి అధ్యక్షుడు రఘువీరారెడ్డి, ఏఐసిసి పిఆర్‌ఓ కెహెచ్ మునియప్ప ధ్వజమెత్తారు.

హైదరాబాద్, జూలై 22: దళితులపై జరుగుతున్న దాడుల్లో ఎపి రెండో స్థానంలో ఉందని వైఎస్‌ఆర్‌సిపి పార్లమెంటు సభ్యుడు వైవి సుబ్బారెడ్డి అన్నారు. చంద్రబాబు పాలనలో దళితులపై దాడులు పెరిగిపోయాయని ఆరోపించారు.