శాంతీపురం, జూలై 6: కుప్పం నియోజకవర్గ తెలుగుదేశం పార్టీ మొదటి శాసనసభ్యుడు నందిగం రంగస్వామినాయుడు(84) గురువారం మృతి చెందారు. గత కొంతకాలంగా అనారోగ్యంతో బాధపడుతూ బెంగళూరులోని ఓ ప్రైవేటు ఆసుపత్రిలో చికిత్స పొందుతూ గురువారం ఆయన తుదిశ్వాస విడిచారు. ఉదయం శాంతీపురంలోని ఆయన నివాస గృహం వద్ద అంత్యక్రియలు నిర్వహించారు. 1983లో కుప్పం స్వతంత్ర అభ్యర్థిగా పోటీచేసి గెలుపొందారు.

న్యూఢిల్లీ, జూలై 6: వైఎస్సార్ కాంగ్రెస్ పార్టీ ఎమ్మెల్యే ఆర్కే రోజా శాసనసభ నుంచి సస్పెన్షన్ వ్యవహారంలో ఆమె ఇచ్చిన క్షమాపణ లేఖను అసెంబ్లీ స్పీకర్ పరిశీలనలోకి తీసుకుని పరిష్కరించాలని సుప్రీంకోర్టు సూచించింది. గతంలో రోజాపై సస్పెన్షన్ ఎత్తివేయాలంటూ సుప్రీంకోర్టులో దాఖలు చేసిన పిటిషన్‌ను జస్టిస్ అమితావ్‌రాయ్, జస్టిస్ అరుణ్ మిశ్రాలతో కూడిన ధర్మాసనం ముందుకు విచారణకు వచ్చింది.

ఏలూరు, జూలై 6: పశ్చిమ, కృష్ణా జిల్లాల్లోని ఏడులక్షల ఎకరాలకు సాగునీరు అందించే చింతలపూడి ఎత్తిపోతల పథకాన్ని 2018 జూన్ నాటికి పూర్తిచేస్తామని రాష్ట్ర జలవనరుల శాఖ మంత్రి దేవినేని ఉమామహేశ్వరరావు చెప్పారు. కృష్ణా, పశ్చిమగోదావరి జిల్లాల్లోని 33 మండలాల పరిధిలోని 210 గ్రామాలకు తాగు, సాగునీరు అందించడానికి నాలుగువేల కోట్ల రూపాయలతో చింతలపూడి ఎత్తిపోతల పథకాన్ని చేపట్టామన్నారు.

గుంటూరు, జూలై 6: ఎస్సీ రిజర్వేషన్ల వర్గీకరణ డిమాండ్ చేస్తూ ఎమ్మార్పీఎస్ అధ్యక్షుడు మంద కృష్ణ మాదిగ చలో అమరావతి పేరిట నిర్వహించ తలపెట్టిన కురుక్షేత్ర మహాసభకు అనుమతి లభించలేదు. ఆచార్య నాగార్జున విశ్వవిద్యాలయం ఎదురుగా ఈనెల 7 వ తేదీన మహాసభ నిర్వహించాలని గతంలోనే నిర్ణయించి, గత నెలరోజులుగా రాష్ట్ర వ్యాప్తంగా పర్యటించి కార్యకర్తలు, నాయకులతో సమావేశాలు నిర్వహించారు.