విశాఖపట్నం, జూలై 4: బహుళ ప్రయోజనాల సోలార్ వ్యవసాయ పంపుసెట్లకు రైతుల నుంచి విశేష ఆదరణ లభిస్తోంది. వీటిని వ్యవసాయ క్షేత్రాల్లో ఏర్పాటు చేసుకునేందుకు రైతులు అధిక సంఖ్యలో ముందుకొస్తున్నారు. సోలార్ వ్యవసాయ పంపుసెట్లను మరింతంగా విస్తరించేందుకు ఏపీ ఈస్ట్రన్ పవర్ డిస్ట్రిబ్యూషన్ కంపెనీ (ఏపీఈపీడిసిఎల్) ప్రత్యేక దృష్టిసారించింది.

అమరావతి, జూలై 4: రాష్టప్రతి పదవికి ఈ నెల 17న జరగనున్న ఎన్నికలో అధికార ఎన్డీఏ అభ్యర్థి రామ్‌నాథ్ కోవింద్ అందరివాడు కానున్నారు. అధికార తెలుగుదేశం, ప్రతిపక్షమైన వైస్సార్‌సీపీకి చెందిన శాసనసభ్యులు, రాజ్యసభ, లోక్‌సభ సభ్యుల ఓట్లన్నీ గంపగుత్తగా ఆయనకే పోల్‌కానున్న విచిత్ర రాజకీయ పరిస్థితి రాష్ట్రంలో నెలకొంది. రెండు పార్టీలూ ఆయనకు మద్దతు ప్రకటించడమే ఇందుకు కారణం.

విజయవాడ (క్రైం), జూలై 4: ఏపిఎస్ ఆర్టీసీని ప్రైవేటీకరిస్తారనే ప్రచారం అవాస్తవమని రవాణా శాఖ మంత్రి కె అచ్నెన్నాయుడు స్పష్టం చేశారు. విజయవాడలో ఆర్టీసీ సిబ్బంది ఆస్పత్రిని ఆయన మంగళవారం ప్రారంభించారు. ఈసందర్భంగా మంత్రి మాట్లాడుతూ ప్రైవేటీకరణ ఉద్దేశ్యం ప్రభుత్వానికి ఏమాత్రం లేదని, అవాస్తవ ప్రచారాలు పరిగణనలోకి తీసుకోవాల్సిన అవసరం లేదన్నారు.

విజయవాడ, జూలై 4: బ్రాహ్మణుల అభ్యున్నతి కోసం వృద్ధులు, దివ్యాంగులు, వితంతువుల కోసం ప్రవేశపెట్టిన కశ్యప పింఛన్ పథకాన్ని త్వరలో పునరుద్ధరించనున్నట్లు ఏపి బ్రాహ్మణ సంక్షేమ కార్పొరేషన్ చైర్మన్ వేమూరి ఆనందసూర్య ప్రకటించారు. గొల్లపూడిలోని కార్పొరేషన్ కార్యాలయంలో మంగళవారం జరిగిన 13 జిల్లాల కోఆర్డినేటర్ల సమావేశంలో ఆయన ప్రసంగించారు.