గుంటూరు, అక్టోబర్ 13: అంతర్జాతీయ స్థాయి ప్రమాణాలతో ఆచార్య ఎన్జీ రంగా వ్యవసాయ విశ్వవిద్యాలయం నిర్మించనున్నట్లు వ్యవసాయ శాఖ మంత్రి ప్రత్తిపాటి పుల్లారావు చెప్పారు. ఈవిషయమై గురువారం గుంటూరులోని లాం పరిశోధనా కేంద్రంలో రూ.1506 కోట్ల అంచనాలతో నిర్మించే వ్యవసాయ విశ్వవిద్యాలయ భవన నిర్మాణాల డిజైన్లపై ఆయన అధికారులతో సమీక్షించారు.

ఏలూరు, అక్టోబర్ 13 : రాష్ట్రంలో మోటారు వాహనాలు కొనుగోలు చేసిన గంటల వ్యవధిలోనే ఆన్‌లైన్‌లో రిజిస్ట్రేషన్ ప్రక్రియ పూర్తిచేసి, నెంబరు కేటాయించే నూతన విధానాన్ని ఈ నెల 15వ తేదీన ఏలూరులో ప్రారంభిస్తున్నట్లు రవాణా శాఖ విశాఖ డిప్యూటీ కమిషనరు, ఇ-ప్రగతి స్పెషల్ ఆఫీసర్ ఎస్ వెంకటేశ్వర్లు చెప్పారు.

గుంటూరు, అక్టోబర్ 12: ఆంధ్రప్రదేశ్ రాజధాని అమరావతి నగర డిజైన్లకు సంబంధించి ప్రభుత్వం మరోసారి గ్లోబల్ టెండర్లు పిలిచే యోచనలో ఉంది. గత ఏడాది జపాన్‌కు చెందిన మాకీ అసోసియేట్స్ రూపొందించిన డిజైన్లను ఎంపిక చేశారు. అయితే అప్పట్లో కుదుర్చుకున్న ఒప్పందం ఇటీవలే రద్దయింది. ఈ నేపథ్యంలో మరోసారి గ్లోబల్ టెండర్లు ఆహ్వానించాలని నిర్ణయించింది.

అనకాపల్లి, అక్టోబర్ 12: ఉత్తరాంధ్ర ఇలవేల్పు నూకాంబిక అమ్మవారికి ఒక కిలో 800 గ్రాముల బంగారు కిరీటాన్ని ఎమ్మెల్యే పీలా గోవింద సత్యనారాయణ తయారు చేయించామని తెలిపారు. ఈ సందర్బంగా బుధవారం ఆయన మాట్లాడుతూ ఈ కిరీటాన్ని ముఖ్యమంత్రి చంద్రబాబునాయుడు చేతుల మీదుగా అలంకరిస్తామన్నారు. ఆలయ గర్భగుడి ద్వారాలకు వెండి తాపడం వేయిస్తామన్నారు.